木船 (Closed)

今日食左間好靚既泰國菜。餐廳以木船為主題。好靚既裝飾，食得好舒服。叫左個鹹肉炒野菜苗。好耐冇食野菜苗，鍾意野菜苗個爽脆既口感，加埋蒜同鹹肉既味道滲曬入菜度，食一啖陣香味好足，好爽。之後再叫個泰皇單骨雞翼。雞翼一黎已經好香香茅味。食一啖仲熱辣辣，啱啱炸出黎，好正。加埋泰式酸辣醬一齊食，個感覺好似去左曼谷，好惹味的小食。跟住叫埋個野飲。脆爆芒果園。飲品同餐牌一樣，好靚呀，睇到都已經好開胃。勁多芒果，仲有粒芒果雪米糍係入邊。飲左一啖，芒果味濃，好好飲。原來爆谷同芒果可以咁夾，爆谷香脆既味道同焦糖提升左芒果飲品既味道，正呀！估唔到呢間野環境舒服，味道又好食。會在幫襯！