Video
Read full review
2022-06-05
18 views
今日又去教育路覓食，去左間唔起眼既海南雞餐廳，估唔到咁高性價比！入左餐廳先知，佢地既雞係每日新鮮由拍檔農場冰鮮運到香港，賣晒就無，唔會隔夜😮😮 所以夜晚想食就要早啲order知道食材咁新鮮，但價錢只係茶記價位，成件事好抵😂🐓無骨海南雞配黃飯（$55）海南雞既份量超多！基本上雞肉鋪滿成個飯，而唔係小雞三兩件，仲要佢個飯本身都好多！每件雞都好滑，本身調味夠晒鹹香，而雞肉本身好juice，老土啲講句，真係雞有雞味（我真係食過好多無雞味既雞/得個鹹字既雞🥲）餐廳無配黑䜴油，但本身都夠晒味，其實唔需要甜豉油。反而配左酸汁，個雞好夾個酸汁，味道仲香仲醒胃。仲要明明啲雞肉咁香口，但雞皮與肉之間係無肥膏，好抵讚👍🏻🌶 無骨口水雞配黃飯（$58）男朋友叫左辣既口水雞，佢好鐘意個口水醬，話啲生熟蒜好香，唔係淨得個辣味。佢話啲雞都係好嫩滑👍🏻🍚 黃飯黃飯有陣淡淡既香味，亦唔油。🥣 紫菜湯 夏天本身好啱飲紫菜湯，估唔到個例湯都煮得好好，唔係淡某某個種，而係有肉味既紫菜湯。後來問左，原來係用返海南雞既雞骨/雞殼同埋比較鞋口既肉拎去熬湯，所以無落過味精都咁夠鮮味。🐖 香茅豬扒叫左一個豬扒小食，但其實都好大份😂個
入左餐廳先知，佢地既雞係每日新鮮由拍檔農場冰鮮運到香港，賣晒就無，唔會隔夜😮😮 所以夜晚想食就要早啲order
知道食材咁新鮮，但價錢只係茶記價位，成件事好抵😂
🐓無骨海南雞配黃飯（$55）
海南雞既份量超多！基本上雞肉鋪滿成個飯，而唔係小雞三兩件，仲要佢個飯本身都好多！
每件雞都好滑，本身調味夠晒鹹香，而雞肉本身好juice，老土啲講句，真係雞有雞味（我真係食過好多無雞味既雞/得個鹹字既雞🥲）
餐廳無配黑䜴油，但本身都夠晒味，其實唔需要甜豉油。反而配左酸汁，個雞好夾個酸汁，味道仲香仲醒胃。
仲要明明啲雞肉咁香口，但雞皮與肉之間係無肥膏，好抵讚👍🏻
🌶 無骨口水雞配黃飯（$58）
男朋友叫左辣既口水雞，佢好鐘意個口水醬，話啲生熟蒜好香，唔係淨得個辣味。
佢話啲雞都係好嫩滑👍🏻
🍚 黃飯
黃飯有陣淡淡既香味，亦唔油。
🥣 紫菜湯
夏天本身好啱飲紫菜湯，估唔到個例湯都煮得好好，唔係淡某某個種，而係有肉味既紫菜湯。後來問左，原來係用返海南雞既雞骨/雞殼同埋比較鞋口既肉拎去熬湯，所以無落過味精都咁夠鮮味。
🐖 香茅豬扒
叫左一個豬扒小食，但其實都好大份😂
個豬扒好冧，好入味，亦唔會有好大陣香茅味搶晒啲味。
老闆後來有送包紙巾俾我地，介紹返佢地自己都有個外送平台，亦分享左佢地啲食材來源、處理手法等，例如話佢地用自家農場既雞，會比坊間農場只少養多幾十日，飼料都係粟米飼料，啲雞又大隻啲又無激素等。
我地覺得老闆好有心經營間小店，仲要咁既價錢有咁高食物質素，但可能裝修唔夠對面街啲cafe咁打卡able，佢話都好少後生仔女黎食。我地都希望可以多啲人支持下佢啦，咁有心煮食既小店係值得鼓勵的😆
Post
