Rakuraku 樂拉麵 (康怡廣場北座) (Closed)

新開既拉麵，真心希望好食，點知就出左事，真係唔明點解會做到咁。先講環境，新舖頭真係冇得衰，所以不談了。服務上我見有部分服務員好生手下，冇所謂啦比下機會人，服務差既程況出現左係我一放低筷子，一放筷子就黎收我隻碗，真係好唔禮貌，之後我一拿錢出黎就收我錢去櫃台，其實佢係冇經我同意收我錢出櫃檯，嚴格來講係搶劫！唔係趕客趕到咁呀，重要收我加一服務費，唔通加一既服務係趕我走？茶餐廳都未有你咁趕客，就算趕都好禮貌地，邊有呢間野咁唔比面。講返食物了，一落左單後我就倒杯水飲下，但一睇個水壺內塊檸檬，好似比人摧殘得好緊要，好嘔心，拉麵黎了賣相好普通，冇所謂，味道才是王道，先試湯，一飲完真係冇晒心機食，溫度唔夠重要有豬骨腥味，佢有冇想過可能溫度唔夠先會腥，就好似魚湯一樣，涼左會腥，同埋拉麵送到客人上湯溫係有學問，唔好咁過份唔該！麵軟硬度我選的是適中，但佢淋左，㨾唔開個麵，一夾就一餅上黎，如果大家想食一餅上既拉麵真係唔好錯過，葱應該係日本葱，奇怪係冇葱味，隻蛋就正常少少，只有叉燒係有少少心機做，不過話就話叉燒，但你當灸燒厚五花腩咁會好啲。我就唔會有下一次，大家會唔會有第一次就自己想清楚了。