韓牛韓式燒烤 (Closed)

於剛剛過去的星期一打電話去此餐廳訂位，有個男士聽電話，我話book1月某晚晚上兩位，咁ok左冇問題，仲話有來電顯示知道我個電話號碼，咁會留位俾我地。於今日星期三，有個朋友話想一齊食，咁我再次打電話去此餐廳諗住加多一位，同樣有位男士聽電話（但此男士把聲比較年長），我話我之前打過電話黎book位。。。。都未講完句說話，個男士就不停講冇book位架，冇book位架，之後cut左我線。我以為我打錯電話，於是再上網睇返個電話號碼，我明明冇錯吖，咁再打多次去，又係年長男士聽電話，佢一聽到我把聲，又好似錄音機咁，又不停loop冇book位架，冇book位架，於是我冇等佢講完時，就問佢我星期一打電話黎留位，依家話冇得book位，咁如果我唔知道冇得book，我又以為自己book左，咁黎到冇位，咁咪浪費時間囉，個男士仲好似鬼上身咁，仲係咁講冇book位架，冇book位架。。。終於等到佢有句新對白喇，係呀，我地冇book位架，之後又cut左我線。呢間野咁嘅服務態度，啲野點好點抵食都唔會黎食呀！