安平燒肉

Open Now

Now Closed

終於明白點解香港餐飲業生意唔好，成日見到網上有人投訴餐飲服務差，今次親身感受不愉快嘅經歷。因為平日去開隔離間「牛X人」，今日想試新嘢，喺門口研究完一輪，問咗門口職員可唔可以入去睇吓自助bar, 職員就帶咗我入去望，點知冇幾耐個類似經理嘅人行過嚟，話唔可以入嚟睇，話基於衛生問題！！但係係佢職員帶我入嚟㗎喎…….而佢職員一直喺我身邊，可以觀察到我都冇掂過啲食物，咁又點關於衞生問題呢？真係好無奈。第一，如果唔可以入內望的話，咁職員應該一早話俾我知及唔好帶我入去，第二如果門口menu stand列明大約有咩食，咁就可以等客人可以知道。坦白講，望下都唔比，真係第一次好多時去放題或自助餐，都可以入去望下！本來想嚟消費比$，算啦冇下次。咁不愉快嘅經驗，係迫我唔好揀佢！唯有去返隔離「牛X人」，呢間職員態度好，坐坐下職員會貼心行嚟枱，話俾我聽邊度有嘢飲拎。有時候去食飯，服務態度緊要過食物！食得開心最緊要！