帝景軒 (Closed)

在網上買了酒店住宿套票。這個晚餐是套票包左嘅。晚餐的地點叫353 Bar，好神秘，係酒店的Directory是找不到的。打去服務台問，酒店職員叫我去2樓嘅Cafe Lido等職員帶路。我哋穿過 Cafe Lido的Buffet Bar，到達一個半露天茶座，原來依度就係353 Bar。這裡處處擺放左同運動有關嘅裝飾。坐底無耐，就有嘢食。我哋個晚餐叫"太湖大閘蟹饗宴"清蒸大閘蟹 (約四兩重)—細细隻，但每隻蟹腳都有肉，D膏都香黃油味。准山杞子赤肉燉花膠—好濃郁，雖然用嘅唔係靚花膠，但湯嘅味道好正。蟹粉碧綠蝦球—西蘭花煮得剛好。蝦就飛水過度,無乜蝦味。瑤柱金菇蟹肉伊麵—太油，唔覺有瑤柱同金菇，比較似淨伊麵。薑茶麻蓉湯圓—薑茶有好濃薑味。麻蓉湯圓味道怪怪。服務都算滿意。不過，總覺得依度係酒店後門，環境麻麻。好彩天氣乾爽，否則依度應該會有好多蚊。