外灘拾號 (Closed)

同事生日訂咗呢間餐廳。工作日午餐十二點半前都仲有位，之後就滿座了。餐廳喺億京大廈樓下，招牌好醒目，出地鐵站步行五分鐘就到，交通方便。装修都幾新凈，有两間包房，我哋十二人，大廳都有張大枱可以坐得落。典型上海菜，幾地道。咸蛋黃鍋巴好邪恶，好味到停唔到口。桂花魚略辣，但魚質滑而且够新鮮。砂鍋雲吞雞好大煲，用成隻雞來煲，所以湯汁濃郁。菠蘿咕嚕肉賣相一流，味道適中。埋單210一位，都幾合理。