Video
Read full review
2009-01-04
15 views
JPH坐落係timesquare一個好當眼既位置, 一上電梯就見到, 所以行親timesqaure都好想入去!! 自從上次試過佢既macaroon, 就好想試埋朱古力!!奈何買$15一粒既朱古力做零食實在太奢侈, 好多次都立下好大決心先唔入去早兩日考完試, 就俾一個藉口自己豪下, 諗住一次過買12粒!! (哈哈因為12粒先有盒)不過當日有一男一女企係度問三問四完全遮住晒個櫃, 我大動作行黎行去裝下裝下佢地都無意識行過d !! 真係嬲到震男店員見我睇得咁辛苦都無意思幫下我!! 淨係望住我囉...果一刻我好無奈我只係睇得到極少款朱古力, 所以最後只係買左其中4款* 4粒都係dark chocolateCaramel (斜紋)好好好好好味!! 好薄既dark chocolate包住焦糖味朱古力,好香好香焦糖味, 不太甜, 最幼滑亦係呢粒, 真係好鐘意!!此款另有milk chocolate, 不過我諗dark chocolate會好味d=)Costa Rica (錫紙)我初初以為佢入面既橙酒係液體狀, 驚漏酒, 好小心翼翼咁昂高頭咬, 哈哈!!!真係白痴喇我`` 原來係混入橙酒既朱古力夾心!
JPH坐落係timesquare一個好當眼既位置, 一上電梯就見到,
所以行親timesqaure都好想入去!! 自從上次試過佢既macaroon, 就好想試埋朱古力!!
奈何買$15一粒既朱古力做零食實在太奢侈, 好多次都立下好大決心先唔入去
早兩日考完試, 就俾一個藉口自己豪下, 諗住一次過買12粒!! (哈哈因為12粒先有盒)
不過當日有一男一女企係度問三問四完全遮住晒個櫃,
我大動作行黎行去裝下裝下佢地都無意識行過d !! 真係嬲到震
男店員見我睇得咁辛苦都無意思幫下我!! 淨係望住我囉...果一刻我好無奈
我只係睇得到極少款朱古力, 所以最後只係買左其中4款* 4粒都係dark chocolate
Caramel (斜紋)
好好好好好味!! 好薄既dark chocolate包住焦糖味朱古力,
好香好香焦糖味, 不太甜, 最幼滑亦係呢粒, 真係好鐘意!!
此款另有milk chocolate, 不過我諗dark chocolate會好味d=)
Costa Rica (錫紙)
我初初以為佢入面既橙酒係液體狀, 驚漏酒, 好小心翼翼咁昂高頭咬,
哈哈!!!真係白痴喇我`` 原來係混入橙酒既朱古力夾心!! 好軟滑, 好突出既橙酒香
外面係較其他厚既dark chocolate* 好味, 我鐘意
Raspberry (紅點)
夾心係我預期中既味道, 淡淡既raspberry味, 微酸,
大家都知raspberry一向同dark chocolate好match=)
Lychee (粒粒)
完全無荔枝味, 只有橙味!!! 口感無其他咁滑因為有d微粒,
後來睇雜誌先知原來呢粒全名係荔枝橙花黑朱古力!!
哈哈怪唔得又有橙味又有微粒啦!! 但丁點兒荔枝味都食唔出, 有d失望
JPH成為我既朱古力新寵, 以後送朱古力唔會再獨沽一味Godiva!!
我仲有好多JPH朱古力想試…腹肌朱古力, truffles, 棒棒朱古力…!!!
Btw, 真奇怪, 點解黎親都無店員推介朱古力俾我???
Post
