Video
Read full review
2015-06-19
524 views
一大班朋友食飯, 打邊爐是其中一個選擇. 早前就去了位於觀塘杏花火鍋食晚飯.店員先奉上醬料俾大家混醬.以下是我的混醬.這裡的湯底選擇也有不少, 我地點了杏汁白肺鍋和濃湯魚翅雞煲.兩個鍋上枱也好吸引呀~杏汁白肺鍋滾熱後, 可以先飲湯. 打邊爐前先潤下喉嚨先.整這個湯要用好多心機和時間, 尤其洗豬肺. 個湯幾鮮味. 而且湯料也可以食, 我自己鍾意食埋湯料, 白肺夠腍身. 我也試埋濃湯魚翅雞煲, 個湯較杏汁白肺鍋淡一點, 雞肉不算太硬身. 大家可以因應自己口味而選擇湯底.飲完湯可以打邊爐啦~愛食牛的我, 點了本地手切肥牛和牛之天地雜錦拼盆.牛之天地雜錦拼盆以西式雜拼盤形式上枱, 包括安格斯手切肥牛, 牛柳粒, 牛展, 牛坑腩, 牛柏葉和牛胸爽, 客人可以一口氣試齊多款牛的部位.這個牛之天地雜錦拼盆, 我自己最愛食牛柳粒和牛坑腩. 我覺得牛味較濃, 牛坑腩沒有想像中咁硬, 幾腍身.本地手切肥牛口感完全不同, 脂肪分怖尚算均勻, 色澤也不錯.我要食全熟, 滾咁耐, 肥牛尚算腍, 已經很不錯.丸類也是不少得, .點了杏花四式滑和招牌手打三寶丸.杏花四式滑, 當中包括牛肉丸, 蝦丸, 墨魚丸和魚丸
一大班朋友食飯, 打邊爐是其中一個選擇. 早前就去了位於觀塘杏花火鍋食晚飯.
店員先奉上醬料俾大家混醬.
以下是我的混醬.
這裡的湯底選擇也有不少, 我地點了杏汁白肺鍋和濃湯魚翅雞煲.兩個鍋上枱也好吸引呀~
杏汁白肺鍋滾熱後, 可以先飲湯. 打邊爐前先潤下喉嚨先.
整這個湯要用好多心機和時間, 尤其洗豬肺. 個湯幾鮮味.
而且湯料也可以食, 我自己鍾意食埋湯料, 白肺夠腍身. 
我也試埋濃湯魚翅雞煲, 個湯較杏汁白肺鍋淡一點, 雞肉不算太硬身. 大家可以因應自己口味而選擇湯底.
飲完湯可以打邊爐啦~愛食牛的我, 點了本地手切肥牛和牛之天地雜錦拼盆.
牛之天地雜錦拼盆以西式雜拼盤形式上枱, 包括安格斯手切肥牛, 牛柳粒, 牛展, 牛坑腩, 牛柏葉和牛胸爽, 客人可以一口氣試齊多款牛的部位.
這個牛之天地雜錦拼盆, 我自己最愛食牛柳粒和牛坑腩. 我覺得牛味較濃, 牛坑腩沒有想像中咁硬, 幾腍身.
本地手切肥牛口感完全不同, 脂肪分怖尚算均勻, 色澤也不錯.
我要食全熟, 滾咁耐, 肥牛尚算腍, 已經很不錯.
丸類也是不少得, .點了杏花四式滑和招牌手打三寶丸.杏花四式滑, 當中包括牛肉丸, 蝦丸, 墨魚丸和魚丸.
自己動手片, 大小可以因應個人喜歡. 我自己覺得牛肉丸較為特別, 平日多食牛丸, 用新鮮牛丸整成, 牛味相對較濃, 口感也有不同.
不想自己動手, 可以選擇招牌手打三寶丸.
不管杏花四式滑或是招牌手打三寶丸, 同樣夠彈牙, 鮮味也不俗.
食咗咁多肉類, 係時候食番蔬菜中和一下. 想試多幾款款式, 所以點了農場時蔬拚盆.內裡的菜心, 白菜, 金菇, 鮮冬菇, 粟米和蕃茄.
我食了其中數款, 幾新鮮. 打邊爐當然不少得我最愛的響鈴.
原來這個響鈴可以點甜酸醬即食. 但我鍾意放入湯中.響鈴是即炸, 所以夠新鮮. 加上吸收晒湯的精華, 所以更加好味.
已經食到八九成飽, 要食番個蝦子麵.
個麵好爽, 加上麵上沾滿蝦子,特別香.
糖水不少得, 薑茶西米皮湯圓.
愛食薑的朋友要試下這個. 糖水有濃濃的薑味, 都幾辣下, 啱晒胃差的我. 而湯圓皮是西米皮, 所以口感無咁黏, 若內裡芝麻再流心一點更好.
今個星期日便是父親節, 原來這裡也有推出套餐.
Post
