大街小館 (Closed)

早排唔少人談論一日三餐個賞花杏仁露，令我記起上個月食過一間糖水店嘅杏仁甜品，又抵又好食。講嘅係佐敦嘅大街小館，佢哋嘅杏汁雪燕燉蛋配湯圓係其中一樣震店之寶，杏仁味超香濃，但係又唔會太甜，非常正😍，燉蛋頗滑，湯丸亦算飽滿有咬口，配埋噱頭大於一切嘅雪燕，成碗甜品咁豐富，都只係賣三十幾蚊，真心抵食👍。當晚又叫咗芒果至尊，入面除咗芒果肉，芒果汁同芒果雪糕外，仲有西米，紅豆，涼粉同奇亞籽，又係大大碗超豐富，最欣賞嘅係所有食材都煮得剛剛好，唔會太腍，亦都唔會太硬，其中紅豆唔太甜又煮到起沙，出色👍，芒果粒粒果肉鮮甜多汁，好食😋，其他配料都正常味道。食完上網一 check，先知道呢間係分店，本店原來喺老家鳳凰新村😮，搵日真係要返去幫襯一次。