大街小館 (Closed)

芋圓好軟好好食，好似返咗屋企訓落個枕頭度咁，好幸福！綿綿冰好有層次感～係朱古力脆片原來係麥片有少少失望，不過配料不是重點！！！作為主角嘅冰超好食！！9點有d餓過嚟睇一d都唔多人，好快就食得。店員姐姐都好好人好nice，休息時間都幫手落單♡

A group of 3I order a 芒之戀（dessert with Mango mainly…) the night I asked the desert for go without 小丸子when I ordered it and the waiter said it’s okay(with other ingredients to compensate with). When the dessert comes, it’s just feel disappoint which I couldn’t should blame for it when it came.The main reason that I am writing about it because I saw a disgusting part about this shop.When I am having my 芒之戀，I saw a chef using his own hand without any gloves on to pick up an Mango ice cream to serve

The ladies left the CNY dinner reunion with an urge for something sweet, and a lot of nearby dessert places had queues. We decided to take this one as the queue was relatively shorter. After around a 10-min wait, we got a table for 5. We ordered the top 1 coconut/ egg white sweet stew served in a coconut shell (various toppings available); and the purple rice sweet soup with taros and mini rice balls. The ladies fancy their coconuts. My pick was the latter. Very delicious purple rice soup with r

在椰皇界和榴蓮界都沒有對手!🍽榴槤椰皇燉蛋白＄55榴蓮椰皇太好食了! ! . 榴蓮是真材實料地多肉輕輕一刮就下來了蛋白又甜又滑椰皇蛋白燉桃膠$53好滋補的感覺見到好多人專程開車過來食

夜晚同朋友喺附近食完晚飯，過嚟食糖水。糖水價錢合理，好多人排隊，不過好快就有枱。叫咗芒之戀、紅豆綠茶綿綿冰、榴槤豆腐花。朋友點嘅榴槤豆腐花，榴槤分量多，豆腐花正常發揮，芒之戀裏面嘅小丸子份量都好多；自己點嘅紅豆綠茶綿綿冰，綠茶味都好夠，配料亦都好多，有齊丸子、芋圓同紅豆，芋圓夠煙韌，比較鍾意食綠茶芋圓，食完甜品啱啱好，滿足～

26/10/2023 星期四 晚上8時30分食完飯諗住搵間正三常常嘅甜品鋪去食下，見到笑笑有百幾個，內心就諗應該唔會伏得去邊，點知完全係一個大伏嘅餐廳叫咗一個 芒之戀$40 同 一個 芒果雪山甘露$50真係好伏，食依間敬請三思。芒之戀$40 （芒果汁底西米露，小丸子，芒果肉，芒果雪糕）成碗嘢唔知點解仲可以繼續賣比客人食，小丸子可以淋到係芝麻糊咁，完完全全無咬口，淋到可以用條脷輕輕力lam爛哂。芒果如圖中所見，全部都係熟到黑色🤮🤢，仲要係成酸酸地🤢🤮，咁都可以賣比客食，面皮厚都係一種本事。個芒果汁底稀到可以無味仲要係唔凍😓😓，加埋一齊食，得個芒果雪糕係正常。邊有食西米露食唔夠凍嘅。芒果雪山甘露$50 （芒果綿綿冰，小丸子，芒果肉）小丸子又喺淋到泥漿咁嘅樣，芒果都喺熟到又黑又淋咁😰😨😫，綿綿冰都可以無乜芒果味😰。迫我喺人生中寫嘅第二個負評的餐廳，唔係我要求高，如果大家要試伏，我都阻止唔到。如果大家要揀依間餐廳既話，真係要三思。其他食物我唔清楚，但連最基本嘅芒果都可以整成咁，其他我諗好食極有限🤮🤮。

尖沙咀行左20分鐘本身想食心怡甜品點知休息無開,睇附近有咩食見大街小館甜品好評好多試一試，叫左「$40芒之戀」、「$41芒果撈河」芒 果 肉 係 黑 色 ，霉 淋 淋 口 感\\ 好水潺潺 //從未食過咁既芒果……🥶😰成碗無味小丸子都無味又唔凍！想加d花奶有味d，要另加$3兩款甜品都係得個雪糕好食正常**食物：★（芒果唔得）**味道：★（無味,唔甜,唔凍）**環境：★（一大陣油煙味）**服務：★★★（正常）其實最基本芒果都咁希望店家可接納意見改進一下成碗野真係好難食同出面其他無得比係食完客人覺得中伏無下次既然都要整，點解唔整好味d ？😅

經常都會食大街小館的外賣，因為以前大街小館好多人排隊，懶得排隊，就會買外賣回家或者回公司吃。但係疫情之後，他的生意好像也追不回去，門口的人龍很久也沒有再見，比較輕易可以入去堂食，所以喺附近食完晚飯，有時都會過去食碗糖水。今次係三個人分享兩個糖水，因為食飯已經食到好飽。叫咗一個椰皇蛋白湯圓，一個芋圓仙草凍。呢個椰皇燉蛋白都算係這個甜品店的招牌菜，很多人吃。可以配芋圓/湯圓/桃膠，除咗比較甜之外，沒有什麼可以投訴。芋圓仙草凍，會配上一球雪糕，可以自己選擇味道。這個是我最想吃的一個甜品，超大碗，如果奶可以換成椰汁，會更好吃。他的甜品，唯一不好是太甜，甜度可以減少一點，就Perfect了。

呢間甜品店已經幫襯過好多次，不論堂食定外賣，不過今次試一樣新嘢，係之前未食過嘅。就係雪糕雜果西瓜盅價錢好似係$50 ，另外仲有一球雪糕，可以自己選擇味道，如果是外賣，雪糕會另外裝起。呢個西瓜盅好足料，但單單講西瓜，其實唔算多，係得面頭見到果啲西瓜波波，裏面其實已經唔係西瓜，係其他一般甜品嘅配料。個西瓜只係一個容器，唔係入面所有西瓜都在這個糖水內。但是無論造型，和味道， $50來說都是性價比高的甜品，夏天吃行消暑。

今日喺佐敦同朋友食完飯, 大家意猶未盡, 決定去食糖水再續. 又係open rice 出動. 搵到間" 大街小館" D 相都好似唔錯. 就決定去試一試睇下伏唔伏啦. 食完飯都已經晚上10點啦. 行左5分鐘去到吳松街我都已經有D出汗. 呢D天氣真係悶熱到叫唔好唔好.  去到門口見到佢地生意都好好全鋪滿坐. 只好攞飛排隊. 幸好係第二張. 等左5分鐘左右有位. 都好快有位好在. 由於太熱. 我在等位睇門口MENU時已經決定食冰降降溫. 一坐低即點左1)芒果雪山甘露-  綿綿冰做得非常好. 食落軟綿順滑. 芒果肉好多. 小丸子好咬口. 超降溫, 好好食無揀錯. 2)黑糖芋圓仙草凍 ( 仲可揀配- 一球芋泥OR一球雪糕 ) 最後朋友揀左配雪糕- 玄米茶味. - 超足料, 芋圓有成10幾粒好煙韌好有咬口,唔會死實實. 仙草凍好軟滑. 玄米茶味雪糕有好濃濃嘅茶味. 兩個甜品都好好食. 無伏仲會再番食. 

雖然要等位，但好快有位坐啦👏🏻我哋兩個人食，分配四人枱。職員好好會有個隔板俾我哋。不論座位同埋環境都乾淨的👍👍今日叫嘅嘢係豆腐綿綿冰+芒果撈河粉。芒果撈河粉，仲可以揀一隻味嘅雪糕😍去到邊我都要曲奇雪糕呀！其實分量十足，而且可以做到啖啖小丸子或者芒果。如果真係要挑剔一樣嘢，我認為水份太多。其他都滿分🤤最令我意外的係豆腐綿綿冰，佢可以做到入口好似棉花絲入口即溶嘅感覺。另外仲可以揀兩個配料，今次選擇咗椰果同小丸子。呢隻椰果並不是罐頭嘅椰果，佢係透明而且好有咬口嘅椰果😍😍總括價錢同質素成正比👍而且職員做嘢都好快手

🍴大街小館📍佐敦吳松街93-103號德利樓地下C號舖✨雜果芋圓仙草凍 $40芋圓仙草凍加上了各種不同的水果甜而不膩吃到口感Q彈可口的芋圓和香甜清涼的仙草🥰✨芒果撈河粉(椰汁河粉、小丸子、芒果肉、芒果雪糕） $41用椰汁煮熟的河粉把芒果撈上搭配了小丸子和芒果冰糕味道感官刺激非常爽口🫣

/🍧大街小館星期六佐敦勁多人排隊甜品店，選擇好多，味道不過不失！✨黑糖芋圓仙草凍$38 (7/10)份量好大，已勝一籌😂有好多配料，小丸子，紅豆，珍珠等。芋圓有咬口唔會煮到過咗，但係就無乜味。仙草就係仙草應有嘅口感，夠軟身同滑！其他配料都ok，整體唔會好甜👍🏻✨芒果撈河粉$41 (7/10)河粉有椰汁味又滑嘟嘟咁，裏面有芒果肉同小丸子增加口感☺️芒果似浸過糖水嘅甜🤣不過整體椰汁味加芒果味係夾嘅，口感都豐富，但味道比較單調🙌🏻✨椰皇蛋白燉桃膠$55 (6.5/10)味道足，但口感我覺一般。椰味香嘅，不過蛋白偏散同淋，唔夠實，係偏水嘅形態，唔太鍾意呢個口感嘅燉蛋白🤔 可以實翻少少。整體都幾好嘅，不過冇乜過人之處😆價錢比較相宜 ✨芒果拿破崙雪糕$53 (5/10)佢個present同平時嘅唔同😂 真接將三層分開，佢係脆嘅，但唔係好食嗰種香脆亦都無乜味咁，正常嗰隻係卡lak咁，佢係酥皮嗰種！拿破崙係個講技巧嘅甜品🫶🏻佢係個唔合格嘅拿破崙☹️可能叫芒果千層酥皮好啲😂而芒果同cream都係好普通👌🏻-甜品鋪嚟講，未必會再特登去，但勝在多選擇，總會揀到啱心水嘅一個🙌🏻-♡ May◆◆◈◇◇#yat2si

記得上次週末嚟食店外大排長龍，今次平日夜晚過嚟幸運地唔洗等好耐就有位。▫️椰皇芋圓燉蛋白 - 熱 ($55) 4/5呢到嘅芋圓望落似係自家製，形狀比出邊糖水舖嘅扁身，本身以為咁扁會冇咩咬口，點知食落都好煙韌。芋圓真係有好香嘅地瓜同紫薯味，最驚喜係伯爵茶味，茶味超出又夠特別！燉蛋白材料好豐富，除咗滑捋捋嘅燉蛋白仲有小丸子同西米，加埋芋圓食完真係飽到上心口。但略嫌椰汁味唔算香濃，椰皇入面嘅椰子肉都冇乜味，如果唔係就perfect！▫️椰汁紫米露 - 凍 ($24) 4/5椰汁味比燉蛋白更香，紫米軟糯有咬口，呢個價錢食到一碗透心涼嘅糖水真係好抵！Overall rating (5粒⭐️為滿分)味道：⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️性價比：⭐️⭐️⭐️⭐️

食完飯都食糖水，想食果間排長龍😅行過呢間好似唔錯喎，又落雨就入去試下甜品有中式糖水，又有西式甜品，選擇都好多，呢個雪糕芋圓同椰王桃膠燉蛋白都好好食原來呢間糖水舖好出名，仲有分店㗎