616牛肉火鍋專門店 (Closed)

最近嚟咗試616十二味，位於銅鑼灣謝菲道391-407號，由於佢係內街，食過既可能唔多，餐廳主打牛肉既不同部位，所以喜歡吃牛既人必試！兩個人去食，評價如下~👅食物：❤❤❤❤有餐前生果送，密瓜，主打第一頁：牛朴肉👍👍👍👍幾好，好有牛肉味，又唔貴。牛肉餃👍👍食得出有用酒醃過，本人唔喜歡酒味，所以一般。熟板筋👍👍👍👍好淋，汆完好似食浸咗好耐既牛筋，夠軟。慢煮牛腩👍👍👍其實都幾好食，不過我自己放得太耐搞到有啲韌。第二頁：每樣都好滿意，特別係牛丸，好彈牙又大粒，好值得叫👍👍👍👍👍冰麻牛，個人嚟講好鍾意，有啲牛肚加埋牛肉👍👍👍👍👍皇帝菜都好新鮮👍👍👍👍金菇，正常又夠大碟👍👍👍👍豆腐👍👍👍份量：❤❤❤❤算幾大份，食完好飽。環境：❤❤❤環境比較嘈，音樂偏大聲，有少少酒吧飲杯野既感覺不過光啲。抽煙系統做得幾好，食完頭髮都無乜油煙味，仲要係全院滿座。抵食：❤❤❤❤我叫咗好少款式既牛，所以覺得幾抵食，兩個人437埋單，超飽，但如果你哋喜歡試多幾款唔同牛肉應該會貴啲。服務：❤❤❤❤幾好，過嚟落餐單果個人幾好禮貌，見到愈夜愈多人等位，而且忙咗好多，侍應們都有笑容。FBhttps://facebook.com/6