火鍋煮場 (Closed)

今晚幫襯呢間火鍋店，佢D材料非常靚，而且價錢亦很合理。牛白肉唔係好多地方有得食，所以一見到有就叫，切得幾薄，真係淥一淥就食得，好爽口。手打丸孖寶係自家製嘅，蝦丸加墨魚丸，新鮮彈牙，我覺得蝦丸好食過墨魚丸。午餐肉就係午餐肉啦，一開始就落，臨到最尾先食先至有最正嘅口感。呢度嘅竹笙真幾新鮮幾爽口。羊肉片都幾大份，D羊唔係好羶，肉身無瘀黑，真係幾新鮮。即炸紫菜響鈴拎卞黎時熱辣辣，侍應話落湯浸一浸或者就咁食都可以，我就覺得落湯浸一浸好食D。刺身魚睇住佢喺魚缸拎上黎，真係好新鮮，薄薄一片好好食。炸墨魚餅係即叫即炸嘅，味道唔錯，又係好新鮮。桂花蚌都幾有彈性，質素唔錯。海蝦雲吞又係自家製嘅，入面隻蝦都幾新鮮。秘制豬肉條用黎打邊爐都真係唔錯，好好咬。黑豚肉豬味都濃，不過就肥咗少少。獅頭鵝腸好正，夠晒肥，D鵝油香到呢。鮮冬菇都幾大粒幾厚肉。自家製墨魚餃味道都唔錯，好似食墨魚丸加塊餃皮。涼瓜片都有真係勁。