Sushi Hana

Open Now

Now Closed

兩個人叫左800同480既餐，但食落整體無感；差別唔大，燒魚：可能係屋企用氣炸鍋仲焦香過佢。壽司、刺身唔覺得好食，材料唔算新鮮。鮮度唔夠，貴少少既連鎖壽司舖可能仲好過佢。同埋香港人好鐘意返’鄉下‘，可能一兩個月就返下，對呢啲野要求高啲，咁既價錢我返去食下仲抵，就算係同omakase lunch價錢比。食左一兩件，個人覺得太清淡（唔識食啦下）要求要額外豉油 wasabi ,師傅面口唔係咁好睇，同埋佢覺唔洗落既會好緊張叫你呢樣唔洗，感覺唔好，令人少少尷尬😅。老實，間唔中點都有呢啲（我之類重口味唔識食既人）客，忍下當睇唔到啦😂😂😂脆口，唔鮮呢件幾好食，油脂、鮮度都好好帶子，都幾好，但都係唔出色呢件對我黎講超腥，又係我唔識食啦下😂鮮甜既呢件，甜過之前食過既omakase海膽，接近即開既質素我覺得火炙得唔夠，無個種香氣，不如直接食全生既鰻魚？印象個下入口仲衰過出面四五十蚊一件既，有少少骨，件肉鬆鬆散散。