Video
Read full review
2021-01-14
1048 views
坐落係尖沙咀K11 Musea入面，有一間你未必知佢來頭但又長期排長龍既拉麵店，係係東京品川開店廿幾年既過江龍小店，連續四年（2014-2018年）獲得米芝蓮推介，以及Tabelog全日本拉麵大獎，係tagelog有3.94分既高分、Ramen Walker多年日本最優秀拉麵排行榜前十位。而呢間日本排長龍既拉麵，係尖沙咀K11 Musea開首間分店兼海外店麵，總店由日本既高野夫婦主理，雖然將湯底同製麵技巧傳授比香港店兩位師傅，但佢同先生每隔半年都會嚟香港監察品質，香港製麵師傅都係日本本店接受訓練。店鋪主打拉麵同沾麵，店內自設製麵工場，客人可不時睇到師傅製麵既過程，保證拉麵質素新鮮。當然自家製嘅面唔一定等於好食，但呢個精神好緊要，一碗拉麵嘅主角就係個湯同個麵，如果個麵唔係自家製已經同麵廠攞，咁已經有一半唔係自己既野，只係加工，香港好多拉麵、甚至係過江龍，啲麵都唔係自家製，肯自家製既拉麵店我覺得已經值得欣賞。-環境店內環境好有日本風格，仲貼心咁設有屏風間格，為單獨嚟嘅食客增添私人空間。裝修同本店嗰種傳統拉麵店風格完全唔同，收費亦比起本店高出唔少。-排隊晚上八點來到，等了約10分鐘便可以入座
坐落係尖沙咀K11 Musea入面，有一間你未必知佢來頭但又長期排長龍既拉麵店，係係東京品川開店廿幾年既過江龍小店，連續四年（2014-2018年）獲得米芝蓮推介，以及Tabelog全日本拉麵大獎，係tagelog有3.94分既高分、Ramen Walker多年日本最優秀拉麵排行榜前十位。而呢間日本排長龍既拉麵，係尖沙咀K11 Musea開首間分店兼海外店麵，總店由日本既高野夫婦主理，雖然將湯底同製麵技巧傳授比香港店兩位師傅，但佢同先生每隔半年都會嚟香港監察品質，香港製麵師傅都係日本本店接受訓練。
店鋪主打拉麵同沾麵，店內自設製麵工場，客人可不時睇到師傅製麵既過程，保證拉麵質素新鮮。當然自家製嘅面唔一定等於好食，但呢個精神好緊要，一碗拉麵嘅主角就係個湯同個麵，如果個麵唔係自家製已經同麵廠攞，咁已經有一半唔係自己既野，只係加工，香港好多拉麵、甚至係過江龍，啲麵都唔係自家製，肯自家製既拉麵店我覺得已經值得欣賞。
-
環境
店內環境好有日本風格，仲貼心咁設有屏風間格，為單獨嚟嘅食客增添私人空間。
裝修同本店嗰種傳統拉麵店風格完全唔同，收費亦比起本店高出唔少。
-
排隊
晚上八點來到，等了約10分鐘便可以入座。
-
🍜 多賀野醬油拉麵 💰128（👅: 7.5/10）
多賀野醬油拉麵
$128
32 views
1 likes
0 comments
店內既食材都係日本直送，拉麵係傳統式，唔會有得揀拉麵軟硬粗幼曲直、湯既濃淡。
叉燒覺得太薄太乾，但食到豬肉嘅甘香，帶小小火炙味。溏心蛋個狀態係熟咗少少，個蛋黃可以成個固體咁起出嚟。筍係鮮筍乾，好嫩好入味。
多賀野除左係湯落足心機，每日堅持新鮮自製拉麵，每日製作約兩至三轉麵條，用上4款日本麵粉、兩款蕎麥、鹽鹼水同雞蛋製成麵糰，用機器反覆壓制６次再裁出麵條，熟成1-2日先可以用，不時拎起麵條度尺，因為麵條既長度同厚度都要一致，每日會根據當日溫度同濕度再去調整水分同麵粉既比例。
多賀野醬油拉麵
$128
38 views
2 likes
0 comments
麵條方面做得幾好，煙韌軟硬適中，密度幾高，食到尾唔會腍哂，唔會好易發脹，細嚼後有少少麥嘅香味。
另外一提，究竟咩係掛湯?掛湯係一個食材嘅特性，係講你個麵同你個湯可唔可以互相配合，如果你個湯係比較清啲，個麵嘅掛湯能力就需要好強，令到個味道比較平衡，調返轉如果個湯係比較稠身、鹹、濃味，個麵就唔需要咁強掛湯能力，先可以中和到個味道，而拉麵嘅掛湯能力主要睇麵嘅粗幼、直身定曲身、麵既吸水能力。而多賀野既麵掛湯能力同湯頭亦都好配合，湯雖偏淡但麵掛湯能力夠平衝到。
店鋪最出名既就係醬油湯底，香港可以食到醬油湯底既拉麵唔多，好食既就更加無咩。多賀野既醬油湯係用雞肉、雞骨、豬骨、豬軟骨、豚肉、薑蔥蒜、日本鰹魚乾等優質食材人手調配精心熬製3個鐘。
湯頭清澈鮮甜，唔會好油膩，亦唔會太鹹，清甜係因為用上自家製的醬油混和鰹魚湯底，醬油味較濃，會聞到小小雞湯既香氣同魚乾既鹹鮮味道，可以邊食麵邊飲湯，不過味道唔算好有特色。
-
🍜 豚鴨沾麵 💰168（👅: 8/10）
豚鴨沾麵
$168
24 views
1 likes
0 comments
再試另一個招牌菜豚鴨沾麵。
豚鴨沾麵
$168
16 views
1 likes
0 comments
豚鴨沾麵
$168
36 views
1 likes
0 comments
豚鴨沾麵
$168
28 views
1 likes
0 comments
有兩塊叉燒，品質同拉麵個碗差唔多。
夾起咗兩個肉之後呢就見到佢俾咗好多筍，同埋有半邊嘅溏心蛋同一堆葱。
豚鴨沾麵
$168
14 views
1 likes
0 comments
沾麵汁好夠熱，味道偏清甜，質地比較稀，係用上鴨肉、鴨骨、雞、蜆、菇等材料熬煮再撞鰹魚乾精華湯，雞同豬既味道較出，鰹魚味係尾段飄來，同一般偏鹹魚介沾麵汁有好大分別，比拉麵醬油味鹹少少，好唔好就好睇個人口味，因為湯既味唔算重，沾麵汁有好明顯嘅鴨油香味，整碗食完唔覺油膩。
-
🌟我覺得佢價錢太貴，沾麵定價係$168過於進取，香港會敢定係158-168既價錢該得一燈(已經執左)/蔦(同為東京米芝蓮)。拉麵喺日本來講其實一個好平民嘅嘢食，就算攞幾多米芝蓮推介或者tabelog幾高分都好，佢都係一個平民食品。
今日你肯比錢食呢個168沾麵，他日再有其他過江龍見到呢個情況會照住定價168，咁香港就再食唔到68-98價錢既拉麵。味道黎講多賀野算係好食既醬油湯拉麵，始終醬油湯唔係個個都鍾意，味道一定係比豬骨/雞湯無咁濃無咁出，如果真係好鍾意食醬油湯拉麵可以黎試一試，咁你就會知呢個128/168比得值唔值，唔算鍾意醬油湯既我建議唔駛試，香港仲有好多拉麵好食。
-
👅味道: 8/10
🍴環境: 7/10
💰消費: $128/168 (拉麵/沾麵) (服務費: 10%)
Post
