等你 _ _ (Closed)

放工之後想食台灣野又唔想去咁遠，先發覺東區，係好少台灣食店既。搵咗陣，就決定食呢間等你乜乜乜。拿，一般情況下，台式食店係會播台灣歌，增強個陣老早味既。呢到特別d，佢係有幾幅經典香港歌手既畫係到，強調呢到賣既係老早味，sell既係本土文化！想講下個餐牌，一張a4 size，一目了然。不過好細隻字，差d睇唔到。其實d字可以大隻返少少。【滷肉雞扒飯】份量係大既，滷肉肥而不膩。好多滷肉飯食到落底都會見到好多油既，呢碗就清d。雞扒正常，有兩舊。幾香脆。【滷大腸】入味！入味得黎唔會太"un"咬唔到。但個人覺得就有d太鹹。但係係唔錯既。【招寶飯】好多料，雞翼都係好入味既。隻滷蛋睇得出滷得好足時間，不錯！最後想講既係我杯【檸檬愛玉】，無圖。但入面愛玉極少。我同男朋友飲咗好多啖都無食到愛玉。就問下店員where is 愛玉。佢話同d冰一齊浮緊。邊有一黎杯愛玉會少到識浮嫁大佬！燥咗一秒不過是但啦下。仲有【花枝丸】，勁少花枝肉粒，成粒粉咁，bad。總結，東區都真係無咩台灣野食。如果住果頭，唔想去咁遠食，就去試下囉。如果唔介意出銅鑼灣食既，可以出去食～ 有更多更好既選擇！