新泰東南亞餐廳 (馬鞍山廣場)

Open Now

Now Closed

今晚和蝦子餅撐枱腳，去咗間東南亞餐廳食飯，叫左泰式生蝦（$98/6隻），好新鮮，爽口彈牙！有少少辣椒粒，怕辣可以撥開，點埋魚露汁好味呀！另外「麵包焗咖喱軟殼蟹」（ $208 ），賣相好吸引，一大個麵包刮開個窿，裝滿咖喱，仲有幾舊炸過嘅軟殼蟹，呢個咖喱汁完全唔辣，啲麵包索晒啲汁，好好味呀，軟殼蟹都OK。我哋仲一人一杯飲品，我要左龍眼冰（$38），好有龍眼味，龍眼肉有好多粒，夠晒凍夠晒甜！老公要嘅係椰青沙冰（ $58 ），真係好大個椰青啊！啲沙冰重多到推到上頂，好吸引，飲落都好清甜，唔錯唔錯！