馬六

Open Now

Now Closed

馬六就係屋企附近商場，夠晒方便而且食物質素唔錯，今次點左娘惹大蝦海鮮摻摻同海南雞湯米粉喇沙湯底十分濃郁，而且香氣十足，口味豐富，味道絕不單一，既有椰香，又有獨有香辣味道。至於麵底摻摻，有油麵同米粉混合，米粉吸左湯汁，油麵又有另一咬口，口感十足。配料方面都有好幾樣，溏心蛋，魚蛋，豆卜，魚蛋片同埋大蝦等等，啖啖不同配搭，好食又滋味。海南雞湯米粉，湯底清香，海南雞好香，雞皮滑溜溜，滿滿雞油脂香味，雞肉夠晒嫩，米粉份量好多，同樣有豆卜同糖心蛋，兩款粉麵各有特色，同樣好食。另外點左2客小食，分吃係沙嗲雞串同咸蛋黃魚皮。沙嗲雞串，味道香濃，啖啖肉，燒到熱辣辣，食落又唔會鞋口。咸蛋黃魚皮簡直係邪惡代表，但又非常好食，咸蛋黃超香，加上魚皮香脆，咬到脆卜卜，香氣係口腔漫延，正！揀左杯咸柑桔仔同話梅冰，風味獨特，咸咸甜甜，清新香甜，今餐真係好滿意！