Video
Read full review
2024-06-25
1343 views
Weekend最緊要chill～ 喺銅鑼灣搵到呢間裝潢舒適又有粉紅型格嘅餐廳，朋友見到都好鐘意，於是立即book位～ Reservation都幾full, 前兩日約都已經要排到兩點～ 奉勸各位想食呢間嘅朋友，記得早啲預約啦～！Lunch set每位$238，有前菜、主菜、甜品，飲品另計~ 部分菜式記亦要另加款項～ 不過最重要嘅係菜式好獨特，食完先知係東南亞風味嘅意式fusion菜，增廣見識之餘，仲大開味界😝 而未食之前，先飲杯mocktail chill chill😎 Oriental Mule呢一杯充滿熱帶風情嘅係檸檬加菠蘿汁冰飲～ 甜度剛好，為炎炎夏日帶嚟一種refreshing mood~ Passion Fruit Bellini如果愛甜人士，就要飲呢杯~ Passion Fruit嘅甜香會填滿口腔，簡直係喺熱情果汁中沐浴一樣～Crispy Polenta🌟Polenta係傳統意大利菜嘅粟米粉煮蓉。餐廳為添新意，將粟米蓉造成磚角形去炸，加上秘製茄醬後，再加parmigiano，pecorino兩款芝士碎同開心果碎，非常有特色。造形大細適中，一口一舊，質感、味道似食緊特色炸薯磚，
Lunch set每位$238，有前菜、主菜、甜品，飲品另計~ 部分菜式記亦要另加款項～ 不過最重要嘅係菜式好獨特，食完先知係東南亞風味嘅意式fusion菜，增廣見識之餘，仲大開味界😝
而未食之前，先飲杯mocktail chill chill😎
Oriental Mule
呢一杯充滿熱帶風情嘅係檸檬加菠蘿汁冰飲～ 甜度剛好，為炎炎夏日帶嚟一種refreshing mood~
Passion Fruit Bellini
如果愛甜人士，就要飲呢杯~ Passion Fruit嘅甜香會填滿口腔，簡直係喺熱情果汁中沐浴一樣～
Crispy Polenta🌟
Polenta係傳統意大利菜嘅粟米粉煮蓉。餐廳為添新意，將粟米蓉造成磚角形去炸，加上秘製茄醬後，再加parmigiano，pecorino兩款芝士碎同開心果碎，非常有特色。造形大細適中，一口一舊，質感、味道似食緊特色炸薯磚，香脆又巧食😋
Clams⭐️⭐️⭐️⭐️⭐️
蜆肉非常肥美新鮮，醬汁creamy～ 最驚喜係充滿香茅味，一股東南亞風即刻湧出嚟～ 配上脆烤牛油薄多士，風味獨特～ yummy～
Shellfish Tagliatelle🌟
主菜虎蝦藍蟹意粉係必食！虎蝦啖啖肉，配上沾滿蝦膏香味同蟹肉絲嘅手工意粉，簡直正到唔識講，就係好食到幾乎可以飛天😇
Oxcheek Pappardelle⭐️⭐️⭐️
牛脥臉肉闊條意粉就完全被比下去～ 味道相對較淡同普通～ 建議食咗呢碟先，之後先好食Shellfish Tagliatelle～ 不過overall係好食嘅，牛脥臉肉完全唔騷，軟腍有牛味香，都值得一食😋
Tiramisu⭐️⭐️⭐️⭐️
最後食甜品！有我最愛嘅Tiramisu~ 呢度嘅Tiramisu屬於家庭式口味，酒味極濃郁，混和朱古力粉嘅甜同雞蛋香，味道唔錯～
Basque cheesecake🌟
芝士蛋糕非常有東南亞特色～ 上半層係混入清香香茅嘅芝士蛋糕，而底層係芒果芝士慕絲，更加入咗少少細碎果肉。兩種口味混入口中，減輕咗芝士嘅膩，但保持住芝士厚重幼滑嘅質感～ 整體味道非常匹配，係一陣清新嘅香茅同淡淡芒果香，非常驚喜！
今個weekend就咁chill住過～
Post
