Helen’s

Open Now

Now Closed

平時雖然比較少到酒吧消遣，但一般酒吧俾我的感覺都係偏向漆黑有部大電視俾人睇波食花生，但今次來到這間Helen's就有點不同，走東南亞泰式的風格，一進門口已經可以見到佛像雕塑，酒吧內的牆身又有大象雕刻的飾面，頗有特色。翻開Menu可以見到佢地有多款自家的手調酒精飲品，而且仲好貼心寫下了酒精的強度，好適合我呢d平時少飲酒，想簡單叫杯低酒精濃度飲品淺嚐一下的人。如是這，我和女友就點了Menu上有圖示的Helen's Tea(強度2)和Sancino(強度1)。亦如Menu上所描述，Helen's果然比Sancino的酒味重，Sancino則有柚子的清新味，飲下去好香好順口。另外，我地亦點了2道食物，包括香辣烤雞翼和海鮮忌廉汁意粉。香辣烤雞翼比想像中辣，但肉厚有肉汁，焗得好食又惹味。海鮮忌廉汁意粉則好濃味，忌廉汁多，細細碟但食落好飽肚。以上食物或酒精飲品都係每樣幾十蚊，一點都不貴，而且有質素，酒吧環境又舒適，這間酒吧的性質比頗高。