馬六

Open Now

Now Closed

落雨天都係喺屋企樓下商場食嘢最方便，馬六我哋耐唔耐都會嚟幫襯娘惹大蝦海鮮摻摻個湯底好香濃，各樣嘅味道都好平均，小辣有椰香，麵底摻摻份量好多，吸晒湯汁一流，配料都唔少，有溏心蛋，魚蛋，豆卜，魚蛋片同埋大蝦等等，好味又飽肚，啖啖唔同口感，真係大滿足。馬六什錦班蘭椰漿飯，唔係咁多地方可以食到，所以我哋每次嚟基本上都會點。佢有巴東牛肉，班蘭包雞，脆魚同埋雞蛋。巴牛肉東，香濃又夠嫩，唔會鞋口，班蘭包雞又夠香嫩，每樣食料少少，好好味！我哋另外加咗兩客小食就係脆魚同埋芝士條，脆魚係因為食咗什錦飯之後覺得好食，唔夠後就決定追加，食落非常脆口，入面嘅魚肉嫩嫩好味道。芝士條就當然更加邪惡啦，外脆再加埋裏面嘅香濃軟芝士，小食追加，過下口癮就岩岩好。飲品方面仲加咗個芒果冰真係非常之香濃，冰涼又清新香甜，正！