六小館

[ 六小館SIXA ]係東薈城行完outlet嚟咗呢間中菜館食飯。餐廳名有啲似尖沙咀嘅六公館，問返店員原來係姊妹店😱✿ 脆皮骰仔牛肋肉伴青芥醬 🐮$108牛肋肉先煮熟再切粒上粉炸至金黃色，好少見牛肋肉用呢個煮法🤔外層脆卜卜而內裡係有juicy嘅牛肋肉，配埋青芥末沙律醬食都幾開胃。✿ 香鍋黑豚脆肥腸 🌶$198聞到香鍋陣陣麻辣味已經流哂口水🤤 豬大腸好入味而無內臟騷味，香鍋其他配料有菜花、蓮藕、薯仔&萵筍等全部都好香口，配白飯食一流，食到尾唔覺太油膩。✿ 板燒味醂日本南瓜 $108呢款日式南瓜料理雖然出現係中菜館，但煮得幾好味。日本南瓜軟硬適中，加埋味醂令南瓜香甜味更突出。✿ 溏心黑蒜響螺燉花膠湯 🧄$128/位燉湯熱辣辣原盅上枱，仲好充料🤤 有原粒黑蒜、響螺、花膠、雞腳等材料。黑蒜味好突出，燉湯味道鮮甜。總結🫦呢間新派中菜館環境裝潢舒適，fusion菜式都好有創意，嚟東涌outlet shopping之餘都可以嚟食餐飯👍🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿六小館SIXA地址：東涌達東路20號東薈城名店倉6樓601號舖電話：23828633✿✿✿✿✿✿✿✿✿✿✿✿✿✿✿