Maison Du Mezze

朋友提到不如去酒店食特色黎巴嫩菜，雖然要去到東涌，但仍然推介俾大家👍🏻👍🏻經過見到裝修好有格調，而環境比較昏暗，最啱情侶靜靜地嘆吓美食，職員主要都係外籍人士，但佢哋都會好主動向你介紹特色菜，服務態度不俗。首先餐前小食 我哋嗌咗鷹嘴豆蓉拼盤，配合埋麵包一齊食，四款唔同口味 分別係紅菜頭/松露/番茜醃菜/原味鷹嘴豆蓉，整體配合幾好👍🏻 口感好滑。而主食叫咗慢煮羊肩肉飯，佢同坊間煮法有啲唔同，好香煙燻味，超級香口，配合乳酪醬，風味十足。另一個主菜—魔鬼魚蜆肉配檸檬牛油汁，調味啱啱好，魚嘅肉質好結實，以外皮烤得好香脆，蜆肉又滑嫩🥰近來食過幾高質西餐主菜。同朋友仲叫咗Godiva 朱古力棉花糖cocktail 、班蘭熱情果特飲mocktail，都係開胃飲品，配搭新奇，出奇地好飲。👍🏻👍🏻呢間餐廳主打特色黎巴嫩菜，以酒店嘅環境/價錢 價錢都算合理，而味道唔錯，服務質素很好，推薦大家去食。