Video
Read full review
2023-09-10
351 views
今年想簡單慶祝結婚週年紀念，所以見有松露優惠set dinner，就二話不就訂檯試試了。本身訂檯時已要求窗邊位，想睇下海景，浪漫下，點知黎到先知被安排坐入面既卡位，仲要都幾嘈下，食客都大聲傾計，感覺餐廳氛圍唔多浪漫，搞到有啲似茶記！😅葡萄提子乾包比較硬、乾身，反而芝麻白包同隔離既牛油包比較軟身，搽忌廉芝士洋蔥醬，很香、好軟滑，麵包都暖熱。而海鹽牛油就較一般，無咩特別。龍蝦松露湯，有少許龍蝦肉，味道同湯既texture唔係想像中甘濃、甘「杰」身。呢個牛肝菌湯，出乎意料地濃郁，好香、好滑。配合埋淡淡松露味，味道好配合。值得一試👍🏽！松露蘋果南瓜配少許魚子醬、紅菜頭底。味道夠清新、爽口，做前菜很夾，但個紅菜頭做既底，好酸😅！松露都係淡淡香味，唔算凸出，但配合既！呢個八爪魚魚子加松露，幾特別，味道出奇地夾，但4粒辣椒唔多夾，所以無食，辣味會蓋左清淡既松露、魚子味。豬扒松露，肉身軟硬適中，唔乾，幾好食，但未去到黑毛豬既肉質甘軟同香。配合埋南瓜蓉、松露，幾醒胃同味道有所提升。👍🏽意大利松露飯，很好味，飯質好軟身、好入味，👍🏽👍🏽配合埋淡淡芝士松露，好正🤭👍🏽加左88蚊要龍蝦尾，肉質有啲梅，唔建議試
葡萄提子乾包比較硬、乾身，反而芝麻白包同隔離既牛油包比較軟身，搽忌廉芝士洋蔥醬，很香、好軟滑，麵包都暖熱。而海鹽牛油就較一般，無咩特別。
龍蝦松露湯，有少許龍蝦肉，味道同湯既texture唔係想像中甘濃、甘「杰」身。
呢個牛肝菌湯，出乎意料地濃郁，好香、好滑。配合埋淡淡松露味，味道好配合。值得一試👍🏽！
松露蘋果南瓜配少許魚子醬、紅菜頭底。味道夠清新、爽口，做前菜很夾，但個紅菜頭做既底，好酸😅！松露都係淡淡香味，唔算凸出，但配合既！
呢個八爪魚魚子加松露，幾特別，味道出奇地夾，但4粒辣椒唔多夾，所以無食，辣味會蓋左清淡既松露、魚子味。
豬扒松露，肉身軟硬適中，唔乾，幾好食，但未去到黑毛豬既肉質甘軟同香。配合埋南瓜蓉、松露，幾醒胃同味道有所提升。👍🏽
意大利松露飯，很好味，飯質好軟身、好入味，👍🏽👍🏽配合埋淡淡芝士松露，好正🤭👍🏽
加左88蚊要龍蝦尾，肉質有啲梅，唔建議試🥶無特別
呢個朱古力蛋糕同brownie, 好濃味，好香滑，配合埋朱古力餅碎，口感唔漏，正👍🏽
埋單$1000多啲，好抵，可以一試👍🏽
Post
