Video
Read full review
2021-10-26
669 views
大家有冇睇過 Netflix 的 The Final Tabel? 我好鍾意呢個節目，全球極具才華的廚師爭奪與世界頂尖大廚同坐一桌，其中一個參賽者Esdras Ochoa 原來在香港開了餐廳，而且專食Tacos！OMG真係好想試，墨西哥菜本身喺香港已經少有，成日想食但唔知去邊好，俾我搵到 11 Westside真係好開心。weekdays的Lunch time基本上唔book枱都有位，set lunch只須 $108，便有三款tacos、chips同salsa！好抵！我哋兩個人去食，一次過叫咗六款不同的tacos，另外加多個 Guacamole～Guacamole（牛油果醬）會即場喺你眼前製作，兩個牛油果、辣椒、洋蔥、青檸汁、鹽、黑椒，兩三下手勢就整好，店員會先俾你試試味，想酸啲辣啲鹹啲都可以提出，佢會再調味。我試咗一啖，先係嚐到酸酸的青檸味，開胃！辣椒從後而來，我本身食得辣，完全接受到，一塊Tortilla chip配一啖Guacamole，真係好正嘅前菜～六款taco分別叫咗豬、雞、牛、炸魚、蝦及素的，每款都唔同味道，在這裡只說部分。最鍾意蝦，啲蝦用蒜蓉牛油煮過，醬料係墨西哥傳統的
我好鍾意呢個節目，全球極具才華的廚師爭奪與世界頂尖大廚同坐一桌，其中一個參賽者Esdras Ochoa 原來在香港開了餐廳，而且專食Tacos！OMG真係好想試，墨西哥菜本身喺香港已經少有，成日想食但唔知去邊好，俾我搵到 11 Westside真係好開心。
weekdays的Lunch time基本上唔book枱都有位，set lunch只須 $108，便有三款tacos、chips同salsa！好抵！我哋兩個人去食，一次過叫咗六款不同的tacos，另外加多個 Guacamole～
Guacamole（牛油果醬）會即場喺你眼前製作，兩個牛油果、辣椒、洋蔥、青檸汁、鹽、黑椒，兩三下手勢就整好，店員會先俾你試試味，想酸啲辣啲鹹啲都可以提出，佢會再調味。我試咗一啖，先係嚐到酸酸的青檸味，開胃！辣椒從後而來，我本身食得辣，完全接受到，一塊Tortilla chip配一啖Guacamole，真係好正嘅前菜～
六款taco分別叫咗豬、雞、牛、炸魚、蝦及素的，每款都唔同味道，在這裡只說部分。最鍾意蝦，啲蝦用蒜蓉牛油煮過，醬料係墨西哥傳統的pico de gallo，主要係由蕃茄、芫茜、洋蔥、墨西哥辣椒整成，辣辣哋嘅味道配埋芒果，有啲泰式感覺，出色。魚的taco係炸魚，一樣係用pico de gallo，無芒果嘅，但因為啲醬整濕咗個炸魚的炸漿，感覺上比蝦嗰款差啲。
烤豬用胭脂樹的果實製作的香料醃過，有種獨特的辛辣味道，配上菠蘿的酸甜可以說是絕配。反而牛嗰款啲牛肉味道太鹹，個醬都係我哋本身分開叫的Guacamole，所以感覺上無乜特別。
食taco，我一定係落手食的，然後啲配料同醬必定流到成手都係（幾小心都會有漏網之魚），但呢個正正係食taco的精粹，要咁食先開心。
我食完一次已經想再去，點解要喺港島西咁遠！？
Post
