呂仔記 (Closed)

好耐無黎東大街喇,今次就黎左呂仔記食下佢個燒賣,因為細個真係成日食,自從搬左就無咩點食喇,佢依到個魚肉燒賣真係正過出面好多,雖然裹面只係得魚肉而無其他野,但佢個魚肉真係又爽口又彈呀,加埋蒸既時間,真係岩岩好,仲有佢個豉油,好香有好味,加埋個色又靚,最後加埋佢個辣椒油,真係又要辣又要食呀。另外就係佢個碗仔翅,同出面少少唔同,依到個質感會比較稠,料都算足既,起碼有少少咬口,同埋唔似出面個D似水咁既。加埋依個麻油同胡椒粉,真係幾香既,最後就當然要飲埋佢依杯椰汁,依個椰汁椰子味道好濃嫁,仲有少少冰係裹面,係門口食完辣野之後,飲番杯真係一流,加埋佢個口感夠哂滑,椰子味道夠哂,咁樣就已經係依到最佳既享受。