Video
Read full review
2018-01-20
200 views
週末過開西環，去完朋友的咖啡店之後近近地搭叮叮過中上環食飯，喺OpenRice 睇到呢間食四川菜嘅麵店啲相好似唔錯，就打去訂位。由於時間尚早，所以其實唔訂都有位。去到樓下先知原來個位置就係南記之前間一樓舖。啲位都好似冇乜大改動。我打嚟訂檯，佢哋留左張卡位俾我哋，仲要用張紙寫住x小姐兩位，我哋坐低仲有人問句我係x小姐嘛，好似大人物咁😂我諗冇人會似我咁訂位。講下點菜先，其實我主要被幾張有一串串成盤嘅相吸引，但餐牌同點餐紙冇，原來係棟喺檯個牌反轉先見，叫缽缽雞。兩位套餐要258蚊，有30串葷30串素，食評有啲人話唔抵食，因為每串好細舊，同埋另一半唔食得海鮮，於是乎就叫麵餐。我揀咗冇肉冇菜嘅酸辣粉+棒棒雞+冰粉+凍檸茶。另一半係瘋狂素麵+泡椒鳳爪+夫妻肺片+檸茶。店員眼見樓面得一兩個，主要係其中一個一腳踢落單捧餐。落單時會指住點餐紙逐樣同我哋確認，揀辣度都會細心提下有幾辣。服務態度非常好。首先上菜嘅係小食泡椒鳳爪喺餐牌雖然係🌶🌶但唔食得辣嘅我都唔覺得好辣，而且酸酸地好開胃，但係跟餐$10得兩隻，食到Lam Lam 脷。棒棒雞同肺片都要加$24蚊，兩樣個汁都唔錯，幾香，係棒棒雞個麻辣粉喺曬啲雞肉
我打嚟訂檯，佢哋留左張卡位俾我哋，仲要用張紙寫住x小姐兩位，我哋坐低仲有人問句我係x小姐嘛，好似大人物咁😂我諗冇人會似我咁訂位。
講下點菜先，其實我主要被幾張有一串串成盤嘅相吸引，但餐牌同點餐紙冇，原來係棟喺檯個牌反轉先見，叫缽缽雞。兩位套餐要258蚊，有30串葷30串素，食評有啲人話唔抵食，因為每串好細舊，同埋另一半唔食得海鮮，於是乎就叫麵餐。我揀咗冇肉冇菜嘅酸辣粉+棒棒雞+冰粉+凍檸茶。另一半係瘋狂素麵+泡椒鳳爪+夫妻肺片+檸茶。
店員眼見樓面得一兩個，主要係其中一個一腳踢落單捧餐。落單時會指住點餐紙逐樣同我哋確認，揀辣度都會細心提下有幾辣。服務態度非常好。
首先上菜嘅係小食
泡椒鳳爪喺餐牌雖然係🌶🌶但唔食得辣嘅我都唔覺得好辣，而且酸酸地好開胃，但係跟餐$10得兩隻，食到Lam Lam 脷。棒棒雞同肺片都要加$24蚊，兩樣個汁都唔錯，幾香，係棒棒雞個麻辣粉喺曬啲雞肉嘅一忽上，要自己撈下。雞肉同肺片本身都冇乜味，係食個汁，份量都偏細碟。當我哋攞筷子時，一直以為係可以重用嘅筷子，點知俾佢厄咗😆
無幾耐就上埋兩個麵同冰粉
上面嗰碗我嘅BB辣酸辣粉，普通麻，味道唔錯，第一次食覺得真係幾夠酸嘅酸辣粉，份量正常。另一半嘅瘋狂素麵佢就話味道怪怪，我食咗佢啲菇我都覺得係就咁麻辣麵嘅味，難道咁真係正宗四川麵嘅味？
因為另一半係小鳥胃，基本上啲小菜係我落曬我個肚嘅。好飽之下食埋呢個冰粉，又幾有驚喜喎！佢唔係多數食到嗰啲桂花味，面頭有黑白芝麻、醪糟、花生同埋有啲粉紅色貌似切粒火腿，食落先知原來係山楂餅😆食完辣嘢食佢幾舒服嘅，又唔係好甜。
兩人埋單每人$117，整體嚟講呢間店嘅嘢食唔錯嘅，但小食份量偏少，而且我個淨麵、另一半嘅菇菜麵同其他有幾舊肉嘅麵個價錢竟然係一樣嘅！？值得讚嘅係服務員態度好好，一腳踢都好有禮貌，上菜時會講阻阻你、呢碗係乜乜麵，唔係放低就算。咁啱有對男女，女嘅碗麵錯左，個男嘅好似要出頭要威咁話個侍應，就算店員道歉話換佢都唔放過人要話多兩句，真係唔了解呢啲人食幾貴嘅嘢呢？要喺度巴之閉俾氣人受？
Post
