Video
Read full review
2022-10-01
910 views
「撚」字原意是以手指捏取之意，後引伸至廣東話有「撚手」一詞，代表拿手，既然用得「撚」字作店名，當然係對自己的火鍋有信心。講遠咗，其實係火鍋精朋友話呢間火鍋店好食，咁係西環咁方便就黎幫襯下。店舖裝修得有心思，中國式擺設，座位大部分係架位，好寬敞，見隔離架位坐咗7-8個大男人都無問題。餐廳窩心之作係可以半份半份咁叫，人少都可以試多幾樣，另外就係有啲易熟既火鍋配料附有提示，等你知道要淥幾耐，唔怕淥到老，呢啲對我地好有幫助🤣🤣我地叫咗：🥢蜂巢豆腐白鍋湯今次唔想食辣，所以就揀個溫和啲既湯底，呢個湯底以雞湯、豬骨湯熬製，配以其他食材如桂圓紅棗人參等香村，重點係有我最喜歡食既鴨血同蜂巢豆腐，湯好夠味，但又唔會太搶，溫和香滑，鴨血同蜂巢豆腐都好入味😋🥢黃金粟米極度邪惡既小食，粟米裹上咸蛋黃，粟米又甜，一舊接一舊食唔停。🥢極品安格斯肥牛（小）色澤好靚，雪花文理均勻，唔會太肥，入口嫩滑，牛肉味濃。🥢滑雞片（一份）滑雞片滑，淥到熟都唔嚡口，配埋個湯底，好夾好入味。🥢五色丸丸拼盤（半分）海味花枝丸、蟹籽手打蝦丸、流心鹹蛋黃豬肉丸、手打雙重芝心丸、海瑞香菇貢肉丸， 手打丸彈牙，唔會死實，每粒丸都有驚喜。🥢鴛鴦雙
講遠咗，其實係火鍋精朋友話呢間火鍋店好食，咁係西環咁方便就黎幫襯下。
店舖裝修得有心思，中國式擺設，座位大部分係架位，好寬敞，見隔離架位坐咗7-8個大男人都無問題。
餐廳窩心之作係可以半份半份咁叫，人少都可以試多幾樣，另外就係有啲易熟既火鍋配料附有提示，等你知道要淥幾耐，唔怕淥到老，呢啲對我地好有幫助🤣🤣
我地叫咗：
🥢蜂巢豆腐白鍋湯
今次唔想食辣，所以就揀個溫和啲既湯底，呢個湯底以雞湯、豬骨湯熬製，配以其他食材如桂圓紅棗人參等香村，重點係有我最喜歡食既鴨血同蜂巢豆腐，湯好夠味，但又唔會太搶，溫和香滑，鴨血同蜂巢豆腐都好入味😋
🥢黃金粟米
極度邪惡既小食，粟米裹上咸蛋黃，粟米又甜，一舊接一舊食唔停。
🥢極品安格斯肥牛（小）
色澤好靚，雪花文理均勻，唔會太肥，入口嫩滑，牛肉味濃。
🥢滑雞片（一份）
滑雞片滑，淥到熟都唔嚡口，配埋個湯底，好夾好入味。
🥢五色丸丸拼盤（半分）
海味花枝丸、蟹籽手打蝦丸、流心鹹蛋黃豬肉丸、手打雙重芝心丸、海瑞香菇貢肉丸， 手打丸彈牙，唔會死實，每粒丸都有驚喜。
🥢鴛鴦雙蚌（珊瑚蚌拼桂花蚌）
一次過可以食晒2款蚌，爽口鮮味，配埋個湯底，好鮮甜。
🥢黑白柏葉拼（半分）
好彩卡片提示係淥10 秒，唔係成日都唔知牛栢葉淥幾耐先熟，爽口入味，正😋
🥢生猛蟶子皇
好大條蟶子，鮮甜彈牙，好彩有卡片提配淥到離殼就食得，時間啱啱好，一啲都唔老。
原來而家逢一至四惠顧，點一品酸菜鍋可以免費添加酸菜，而揀選祖傳秘製麻辣鍋或蜂巢豆腐白鍋湯，就可以免費添加鴨血或蜂巢豆腐，好開心可以添加鴨血❤️，yeah ✌🏼
Post
