Video
Read full review
2024-10-22
303 views
灣仔可以話係香港其中一個拉麵激戰區，隨便搜一搜可能都搵到10間以上嘅拉麵店。如果講“二虎一龍”當中嗰條“龍”，絕對係呢間《黑龍》，就試試啦！《黑龍🐉豚骨🐖拉麵🍜》香味 (4/5) - 香味充足，除左豚骨味之外，仲有強烈嘅海苔味湯頭 (4/5) - 非常咁濃稠。豚骨係主調冇錯，另外我認為個湯應該係唔止豚骨，仲有加雞骨去煲，有d雞白湯會食到嘅味道，豚骨同雞骨嘅味大概係 7:3 左右。鹹度對我來講係偏鹹，不過好彩，因為本身間店都有賣沾麵，所以有一壼淡嘅鰹魚湯去比你稀釋個湯，換而言之，食客可以按自己喜好去溝淡個湯，盡在自己掌握中。呢吓絕對係加好多分！我就大概食左一半左右，就開始溝淡，所以既可以感受濃稠口味，又可以食到自己調節左嘅淡麗口味！特別去提提個辣醬，我係點左最普通嘅辣度，不過佢都真係頗辣同帶鹹味，所以我撈左少少落個湯，試左一啖仔湯，就了開左一半左右，費事個湯鹹上加鹹，怕會破壞個湯嘅風味。麵條 (4/5) - 用嘅係細麵，直身，低加水，吸湯強，掛湯夠，麥味夠，配博多風味嘅拉麵就係夾得好，好食嘅。配料 (4.5/5) - 既然係豚骨拉麵，主角當然係塊豬叉燒啦。有兩塊，用嘅應該係豬肩肉，甘香，
《黑龍🐉豚骨🐖拉麵🍜》
黑龍🐉豚骨🐖拉麵🍜
$90
21 views
0 likes
0 comments
香味 (4/5) - 香味充足，除左豚骨味之外，仲有強烈嘅海苔味
湯頭 (4/5) - 非常咁濃稠。豚骨係主調冇錯，另外我認為個湯應該係唔止豚骨，仲有加雞骨去煲，有d雞白湯會食到嘅味道，豚骨同雞骨嘅味大概係 7:3 左右。
鹹度對我來講係偏鹹，不過好彩，因為本身間店都有賣沾麵，所以有一壼淡嘅鰹魚湯去比你稀釋個湯，換而言之，食客可以按自己喜好去溝淡個湯，盡在自己掌握中。呢吓絕對係加好多分！我就大概食左一半左右，就開始溝淡，所以既可以感受濃稠口味，又可以食到自己調節左嘅淡麗口味！
特別去提提個辣醬，我係點左最普通嘅辣度，不過佢都真係頗辣同帶鹹味，所以我撈左少少落個湯，試左一啖仔湯，就了開左一半左右，費事個湯鹹上加鹹，怕會破壞個湯嘅風味。
麵條 (4/5) - 用嘅係細麵，直身，低加水，吸湯強，掛湯夠，麥味夠，配博多風味嘅拉麵就係夾得好，好食嘅。
配料 (4.5/5) - 既然係豚骨拉麵，主角當然係塊豬叉燒啦。有兩塊，用嘅應該係豬肩肉，甘香，肉味夠，冇野可以挑剔，好食！
另一位主角，我認感為海苔，佢唔係一塊塊嗰d，而係預先整散左嘅海苔。味道甘香，撈埋落個湯度，提升左個湯嘅風味，亦帶來清新爽滑口感。因為本身博多拉麵，傳統上係唔會跟海苔，就算跟就唔係呢款，所以我認為係喪加分！
荀方面，都唔錯。荀嘅口感既係軟熟，又不失爽脆，係我比較少食到嘅口感。荀味夠，偏甜，我覺得相當唔錯。
《牛筋飯🍚》
因為呢間店呢一招牌係牛筋black拉/沾麵，不過連食兩碗麵我自問做唔到，咁啱見佢有牛筋飯🍚，一於就試埋啦！
牛筋飯🍚
$30
9 views
0 likes
0 comments
牛筋絕對係好食，夠腍，夠膠，夠入味！
飯方面，講真就比較麻麻地，飯粒偏硬左d，唔夠黏糯。
既然有碗飯，我又點會放過將個濃稠嘅湯同飯一齊食呢，效果我認為都唔錯喎！
因為可以加湯溝淡嘅關係，我係開心冇負擔地食到尾，乜都清晒，可以話相當的滿足！
整體 - 值得推薦 👍👍👍👍👍
Post
