Video
Read full review
2018-04-13
252 views
係灣仔工作左成日，決定食返餐好既慰勞下自己。打邊爐最緊要係咩？除左一個靚湯底之外，最緊要梗係靚牛肉啦！呢間616牛肉專門店就一次過滿足曬我兩個願望，用大眾化既價錢，食到高質素既牛肉同惹味湯底。呢度既裝潢設計別出心裁，以牛肉作為主題，走懷舊風格，打卡影相一流。呢度提供各款坊間少見既牛肉部位，例如牛朴肉、挽手腩同金花趾等等，價錢都係$48左右，相當親民。用Ipad落單夠曬方便，入面仲介紹埋各款牛肉既口感同味道，咁就唔怕點錯！而且仲會自動計埋價錢總數👍🏻店家承諾二十分鐘內會到齊order，如果超過二十分鐘，個碟食物就免費。其實唔洗十分鐘，全部肉類同配料已經到齊，非常有效率！所有肉類都會附上一張紙仔，上面寫左呢款牛肉既名稱，等我地可以參考返餐紙上推薦既煮食時間，例如牛朴肉只需淥8秒就食得。我地嗌左牛骨清湯同沙嗲湯底($58)。個人相當推薦牛骨清湯，味道清甜，配以粟米，牛骨同蘿蔔。絕對唔會搶左牛肉既風采，兩者配合得宜，令牛肉更鮮甜美味😻而沙嗲湯帶點微辣，味道濃郁，質感較濃稠，牛肉會吸收曬沙嗲湯，一口落去爆曬肉汁，係愛好濃郁口味人士既不二之選。牛駝峰：油脂較少，牛味濃郁。牛柳：同樣牛味突出，唔會太
呢度既裝潢設計別出心裁，以牛肉作為主題，走懷舊風格，打卡影相一流。
呢度提供各款坊間少見既牛肉部位，例如牛朴肉、挽手腩同金花趾等等，價錢都係$48左右，相當親民。用Ipad落單夠曬方便，入面仲介紹埋各款牛肉既口感同味道，咁就唔怕點錯！而且仲會自動計埋價錢總數👍🏻
店家承諾二十分鐘內會到齊order，如果超過二十分鐘，個碟食物就免費。
其實唔洗十分鐘，全部肉類同配料已經到齊，非常有效率！所有肉類都會附上一張紙仔，上面寫左呢款牛肉既名稱，等我地可以參考返餐紙上推薦既煮食時間，例如牛朴肉只需淥8秒就食得。
我地嗌左牛骨清湯同沙嗲湯底($58)。個人相當推薦牛骨清湯，味道清甜，配以粟米，牛骨同蘿蔔。絕對唔會搶左牛肉既風采，兩者配合得宜，令牛肉更鮮甜美味😻而沙嗲湯帶點微辣，味道濃郁，質感較濃稠，牛肉會吸收曬沙嗲湯，一口落去爆曬肉汁，係愛好濃郁口味人士既不二之選。
牛駝峰：油脂較少，牛味濃郁。
牛柳：同樣牛味突出，唔會太韌。
封門柳：香甜！美味！我最鐘意呢款！推薦！
牛朴肉：油脂分佈平均，有嚼頭～
牛滑：平時魚滑就見得多，牛滑真係未見過！個人覺得牛滑比起其他一片片既牛更濃味，而且口感豐富。
除左各類牛肉，其他配料都唔遜色。娃娃菜將湯底既精華同肉類既鮮甜全部吸收，而烏冬彈牙美味，正！
今餐真係非常滿足！每碟既肉類份量都幾慷慨，價錢尚算實惠，可以一次過試匀各種不同部位既牛肉。各位食肉獸不妨黎挑戰下！
Post
