Video
Read full review
2021-04-19
3029 views
好耐都無同家姐一齊食晚餐啦，今日特登就家姐，約係屯門Food Combo食Dinner。坐低見到牆上有塊牌寫住期間限定，叫Lobster ADB Combo, 如果係社交平台 ADB 關注組會員就會減$30。咁啱我係其中會員，又鍾意食All day breakfast, 梗係要叫一個來試吓啦！另外我哋仲叫咗： 西班牙龍蝦海鮮飯二人份量，同埋Combo特色拼盤。All Day Breakfast入面有煙肉，香草腸，焗豆，黑松露炒蛋，沙律，蒜蓉多士，同埋南瓜薯餅。入面我最鍾意食嘅就係南瓜薯餅，外表香脆，入邊非常可口。咁多份量都只係$88。值得一食，仲可以減$30。西班牙龍蝦海鮮飯可以叫一人份量或者二人份量。入邊有魷魚， 大大隻龍蝦同埋青口。飯嘅份量非常多，有少少微辣。龍蝦十分香甜多肉，鍾意食龍蝦嘅人千奇唔好錯過呢個飯啊！Combo特色拼盤一上碟，份量都俾佢驚訝左，因為好大嘅一碟！入面有燒豬肋骨，芝士焗龍蝦，燒牛肋骨，南瓜薯餅，薯條，同意式燒菜。又係大大隻嘅龍蝦，牛肋骨同埋豬肋骨都係大大件，果然叫Combo。又有我中意食既南瓜薯餅，正！另外嘢飲方面我哋叫咗呢排受歡迎嘅鳳梨冰。都係大大杯！上面
坐低見到牆上有塊牌寫住期間限定，叫Lobster ADB Combo, 如果係社交平台 ADB 關注組會員就會減$30。咁啱我係其中會員，又鍾意食All day breakfast, 梗係要叫一個來試吓啦！
另外我哋仲叫咗： 西班牙龍蝦海鮮飯二人份量，同埋Combo特色拼盤。
All Day Breakfast
入面有煙肉，香草腸，焗豆，黑松露炒蛋，沙律，蒜蓉多士，同埋南瓜薯餅。入面我最鍾意食嘅就係南瓜薯餅，外表香脆，入邊非常可口。咁多份量都只係$88。值得一食，仲可以減$30。
西班牙龍蝦海鮮飯
可以叫一人份量或者二人份量。入邊有魷魚， 大大隻龍蝦同埋青口。飯嘅份量非常多，有少少微辣。龍蝦十分香甜多肉，鍾意食龍蝦嘅人千奇唔好錯過呢個飯啊！
Combo特色拼盤
一上碟，份量都俾佢驚訝左，因為好大嘅一碟！入面有燒豬肋骨，芝士焗龍蝦，燒牛肋骨，南瓜薯餅，薯條，同意式燒菜。又係大大隻嘅龍蝦，牛肋骨同埋豬肋骨都係大大件，果然叫Combo。又有我中意食既南瓜薯餅，正！
另外嘢飲方面我哋叫咗呢排受歡迎嘅鳳梨冰。都係大大杯！上面仲有一角嘅鳳梨，飲落去又解渴又甜。
呢間叫做Food Combo, 估唔到食物如其名，碟碟都係十分Combo大件，鍾意食嘅人一定唔好錯過呢間餐廳啊！
Post
