PizzaZaZa (Closed)

今次黎到大坑覓食，朋友話聽聞呢間幾好，因為有啲夜既關係，我地怕再諗會冇野食，所以就諗都唔諗就衝左入去。夜食飯既好處，唔洗等位！哈哈哈哈！我地今次叫左是日精選既白酒煮蜆， 溫泉蛋薯蓉， 意大利腸Pizza同埋香蒜辣椒蜆肉意粉。叫左野食冇耐，佢地拎左幾隻迷你杯仔過黎，入面有粒白色糖既物體，之後佢"針"左啲水落去。神奇既事就咁出現左，個粒糖慢慢向上升高，變左一條白色既柱。Waitress當時補左一句，呢個係濕紙巾，比我地抹手用的。嘩~~~~~~好得意呀！我地玩完個紙巾之後appetizer好快就到 - 白酒煮蜆。雖然蜆就唔算太大隻，但味道攞晒分，鮮甜好味。之後到溫泉蛋薯蓉，呢個有啲特別，初初唔捨得撈混佢，哈哈哈哈。之後食落口，好滑，又唔會好生個種，感覺幾好，只係略嫌佢份量少1啲。再黎有pizza，係意式薄批，香脆好味。出面依家有好多地方都因應香港人口味，將Pizza改到變做厚身啲，同原本既意式唔同左，呢度Pizza值得欣賞！最後就係意粉，味道好好，有少少辣味，香口惹味，只係佢個麵質煮得比較硬，本人唔係太鐘意。最後我叫左杯Cafe Mocha，雖然唔係話特別香或好味，但絕對係用心製作。總括黎講