木金餃子製作所 (Closed)

今日收工超級攰，男朋友約咗我去。。食呢間餐廳！諗住可以好好咁放鬆吓🤤餐廳喺觀塘，所以地點都非常方便易搵！而且餐廳唔算好大，但係座位好闊落，食吓嘢傾吓計都係幾唔錯嘅選擇！👏🏻有時候兩個一齊食嘢嗰種交流係好重要嘅，所以我對於餐廳都好高要求，一定要環境舒適之餘又要好食嘅嘢食，唔會破壞我哋嘅好心情。首先講吓呢度環境真係幾唔錯，坐得好舒服，感覺好有私人空間。嘢食方面韓式泡菜豚肉餃 加 臭臭香荽豚肉餃 烏冬我自己就揀咗呢兩隻餃子，配合烏冬，呢度好得意，湯底全部都係自己倒入去，感覺玩味有啲重🤣🤣好玩。當然餃子都好好食，我就特別鍾意食呢個韓式泡菜豚肉餃。薯條呢個薯條炸出嚟好新鮮，好熱，同埋佢嘅黑松露醬汁好好食，好重黑松露味。