嘉寶漢堡 (Moved) New Location

由於疫情嘅關係，政府六點之後咁堂食，咁啱呢一日同朋友一齊出街去尖沙咀食下午茶，食完下午茶之後行街行到七點幾八點就有少少肚餓，想搵啲嘢嚟食，所以就去買身邊好多人推介嘅嘉寶漢堡返屋企食。由於呢一間舖頭實在太歡迎，同埋我哋都買得有啲多野，所以都需要等一陣，但係食咗之後就知道我哋嘅等待係值得嘅。我叫咗一個日式芥辣蝦堡，蝦堡中間有超級厚嘅蝦餅，食材相當足料，而且又彈牙，但係對於我來講，芥辣醬嘅味道有啲勁，食咗一半就覺得有啲辣，所以如果唔食得辣嘅朋友就唔建議叫。