Video
Read full review
2008-06-26
雖然風神未遠離, 掛著3號, 但舊同事仍無懼風雨, 出來一聚. 七點半到, 可能天氣問題, 只有五成顧客. 燈光柔和, 座位適中. 地牢比較傳聲. 薰魚 : 薰到九成, ok ; 炒飯 : 乾身爽口, 唔錯 ; 小籠包 : 皮厚, 但多汁, 肉質幾甜 ; 砂鍋雲吞雞 : 六個人每人一碗就分哂喇, 份量好似少左啲, 雞就得隻脾同隻翼, 袖珍到丫....賽螃蟹 : 無西蘭花作伴, 份量夠, 我至愛 ; 担担水餃 : 朋友話幾香, 我就覺得太浠.牛肉餅 : 鬆軟多汁餡夠, 好味 ; 高力豆沙 : 豆沙餡不太甜不太熱, 容易入口.兩面黃 : 我特登叫嘅, 見有咁多網友又讚又彈, 想見識下嘛! 一大堆林身麵餅, 伴上少辣少酸少咸少甜的茨汁, 以"非粵式"的中國菜黎講, 風味好獨特, 獨到非筆墨所能形容 (真係唔知點講) ! 平心以論, 又唔係太難食, 不過就肯定唔岩我. 食飽後, 朋友話佢自己加左醋, 好味好多! 唉, 早講丫大姐!! 全晚最受歡迎嘅, 就係碟前菜 -- 青瓜條. 俾"大姐"掃哂, 一條不留....侍應態度好好, 笑容滿面, 話頭醒尾,
薰魚 : 薰到九成, ok ; 炒飯 : 乾身爽口, 唔錯 ; 小籠包 : 皮厚, 但多汁, 肉質幾甜 ;
砂鍋雲吞雞 : 六個人每人一碗就分哂喇, 份量好似少左啲, 雞就得隻脾同隻翼, 袖珍到丫....
賽螃蟹 : 無西蘭花作伴, 份量夠, 我至愛 ; 担担水餃 : 朋友話幾香, 我就覺得太浠.
牛肉餅 : 鬆軟多汁餡夠, 好味 ; 高力豆沙 : 豆沙餡不太甜不太熱, 容易入口.
兩面黃 : 我特登叫嘅, 見有咁多網友又讚又彈, 想見識下嘛! 一大堆林身麵餅, 伴上少辣少酸少咸少甜的茨汁, 以"非粵式"的中國菜黎講, 風味好獨特, 獨到非筆墨所能形容 (真係唔知點講) ! 平心以論, 又唔係太難食, 不過就肯定唔岩我. 食飽後, 朋友話佢自己加左醋, 好味好多! 唉, 早講丫大姐!!
全晚最受歡迎嘅, 就係碟前菜 -- 青瓜條. 俾"大姐"掃哂, 一條不留....
侍應態度好好, 笑容滿面, 話頭醒尾, 招呼周到, 好到有次, 係兩位侍應姐姐左右護法"夾"住我黎幫成圍枱換碟, 真係艷福無邊呀....佢地就 ^_^"
旺角食晚飯, 每人一百蚊有找, 味道過得去, 唔錯!
Post