富士山55 (拉麵沾麵專門店) (Closed)

今日又同老公黎食銅鑼灣食拉麵，唔係太熟邊度好食o既我地當然睇睇openrice食評先啦😋見到呢間咁多好評，當然要一試佢真假。夜晚8點幾來到等第二張台，係門口已經有張menu俾你睇定食咩，畫左先。唔駛10分鐘就到我地喇。老公叫左「櫻花蝦拉麵」，再加＄15加左100ｇ麵底，而我就點左個「白湯豚骨拉麵」，本身仲想加個「日式芝士雜坎」，可惜已經sold out。湯ｏ既濃度有得揀，我地２個都點左「日本特濃湯」，２個湯真係好濃郁，並不流質。櫻花蝦湯充滿蝦味，比起白湯豚骨湯更為特出，值得一試。白湯豚骨湯都是水準之上，絕對唔會失望。不過好有日式氣氛ｏ既餐廳如果播番日文歌應該會更加地道。。。我地仲叫左兩個小食1)燒餃子, 2)名古屋雞翼，兩樣都好好食，餃子皮薄脆身，雞翼o既醬汁亦十分惹味。只收現金啊，大家要留意。