Video
Read full review
2009-07-28
11 views
上星期同五位朋友一行六人想去打邊邊, 其中一位朋友介紹呢間, 咁就o係星期四打去訂八點六位, o個陣接線o個位叫我地可以預早少少, 安排個好d 既位比我地, 到星期五晏晝, 收到佢地電話, 用麻麻地既語氣突然話八點已經full 左, 要改八點半先有位 (明明我地之前book 左), 我地都算, 殊不知....1. 我地準時八點五度去到, 個知客叫我地等一等...中途不斷有d 疑似熟客既人黎(我見到個知客可迅速直呼佢地咩生咩太), 佢地被安排入坐既時間比我地快得多, 見住五六七八張咁樣過左, 我地都keep 住問到我地未, 個知客就一味話一有位就比我地, 我地話我地係book 左八點半, 佢就話"o係電話度係話最快八點半有位, 唔一定八點半比到位", 如果係咁, 即係唔係訂位啦....我地見難得一班人約左, 就照等, 如是者, 我地等左成個鐘!!2. 大概九點鐘左鬆d, 又有疑似熟客既乜生黎話訂左九點四位, 到九點四五左右, 我地入左去巡視一圈, 見到有一張六人檯埋左單, 心諗一定係我地架啦, 點知個知客安排左個位比個四個人, 我地即刻係咁嘈啦, 明明係六人檯, 又係我地訂先, 竟然比左
1. 我地準時八點五度去到, 個知客叫我地等一等...中途不斷有d 疑似熟客既人黎(我見到個知客可迅速直呼佢地咩生咩太), 佢地被安排入坐既時間比我地快得多, 見住五六七八張咁樣過左, 我地都keep 住問到我地未, 個知客就一味話一有位就比我地, 我地話我地係book 左八點半, 佢就話"o係電話度係話最快八點半有位, 唔一定八點半比到位", 如果係咁, 即係唔係訂位啦....我地見難得一班人約左, 就照等, 如是者, 我地等左成個鐘!!
2. 大概九點鐘左鬆d, 又有疑似熟客既乜生黎話訂左九點四位, 到九點四五左右, 我地入左去巡視一圈, 見到有一張六人檯埋左單, 心諗一定係我地架啦, 點知個知客安排左個位比個四個人, 我地即刻係咁嘈啦, 明明係六人檯, 又係我地訂先, 竟然比左佢地, 跟住個知客話有一張更大既檯埋左單, 會安排比我地, 等我地坐得舒服d....我地又再等多個幾兩個字, 終於被安排入座....嘩, 唔該晒呀, 佢安排左張十二個人既檯比我地六個人打邊爐囉!~係人都知打邊爐不能坐得太散, 我地六個人都唔知點坐先可以用一個爐而每人都夾到野食, 又要傾到計囉, 最初我地要坐到好似拍緊電視劇咁坐晒O係一邊, 但發覺唔係辦法, 結果, 我地再次要求換位, d 侍應又叫我地等, 今次我地冇咁傻, 有d 火咁話又等, 唔知等到幾時......結果我地坐住等, 又等左一陣先換到張"十人檯"!!
3. 由於我地點得菜加上得菜都已經成九點幾十點, 我地落左單冇幾耐, 就已經話呢樣冇, o個樣賣晒, 簡單如粟米同油麥菜都sold out......
4. 聽聞出名既係牛柳粒, 成百蚊碟都有點黎試下, 個侍應教我地一開始就放晒落鍋, 拾幾耐都冇問題, 越耐越入味, 結果我地等左一陣撈黎食, 發現其靱無比, 係有d 肉味既, 但好似肥牛好味d!
5. 到埋單都仍然比到驚喜我地, 一睇張單, 有一項係要六百蚊既, 就係斤幾重既一隻象拔蚌, 出奇地貴, 呢個係我地唔謹慎既, 應該點前問定價, 原來要成廿蚊一兩, 估佢唔到, 勸大家如果真係去試, 點任何海鮮類都要問定價, 以免有同一遭遇.....另一個surprise 係西瓜汁, 要成八十蚊一渣, 貴到離譜.......
我地成班去完之後分別有以下感想:
a. 訂位制度形同虛設, 建議想去食既朋友先同知客打好關係
b. 就算真係出於好心比張大檯我地, 都可以先問我地介唔介意六個人坐張"六個人既細檯"囉~可見知客經驗及服務一般
c. 食物存貨有問題, 平價類食品於九點幾十點已賣晒 (o個日係星期五晚)
d. 價錢驚人, 建議各位每點一項食物或飲品都先睇清楚價錢
總括而言, 雖然我地每人都只係比左二百幾蚊, 人均消費好似唔多, 但其實撇除一隻六百蚊象拔蚌, 一渣八十蚊西瓜汁同百幾蚊既牛柳粒, 我地只係叫左一個菜, 一碟烏冬同一碟牛脷, 我相信o個餐應該冇人食得飽同滿足...未食完我地都準備有下場食甜品....
大家如果搵地方打邊爐, 我相信香港, 或者係佐敦區, 都肯定有好多比呢間好既選擇, 今次打呢篇食評係想比d意見大家, 以免食到一肚氣!!
Post