Video
Read full review
2024-07-17
807 views
話說，有朋友約食飯食omakase ，有少少原因要轉地方，選擇左餐廳嘅天婦羅session，咁啱餐廳原來換咗師傅，有唔少人都讚話好食，難得唔駛自己搞局，當然無問任何野就決定去食。如果講開好食嘅天婦羅餐廳，你一定會諗起岩浪嘅榮師傅，我都唔記得自己有冇寫過，不過IG一定post過好多次，而家去左新店天御都係另一間個個foodie勁post嘅地方。鵜舞我食過咁多次，反而真係未食過天婦羅，最正嘅係原來新嘅師傅就係天海前主廚嘅日本靜岡主廚長澤佳明。上次見佢好有性格，今次因為我遲到關係，佢開始都麻麻地心情，但之後佢都係十分好玩開朗，當佢整首本名菜來自琵琶湖嘅活幼香魚，心情大好，之後整天茶嘅時候，更加擺post俾我哋影相。今次嘅餐比天海更靚更好睇，前菜胡麻豆腐，螢光魷魚，粟米球，碎吞拿魚腩，個樣已經好得體，味道也好，特別喜歡個粟米球。天婦羅方面，我最愛活蝦生海膽同琵琶湖活幼香魚 ，當然鹿兒島鰻魚係之前天海無見過嘅高度，仲有連鬚葉日本粟米仔同瀬戶內海紋甲魷魚都不能錯過。今日嘅menu俾大家參考下。前菜（胡麻豆腐，螢光魷魚，粟米球，碎吞拿魚腩）神奈村太刀魚大葉 瀬戶內海紋甲魷魚 愛媛甘鯛 連鬚葉日本粟米
如果講開好食嘅天婦羅餐廳，你一定會諗起岩浪嘅榮師傅，我都唔記得自己有冇寫過，不過IG一定post過好多次，而家去左新店天御都係另一間個個foodie勁post嘅地方。鵜舞我食過咁多次，反而真係未食過天婦羅，最正嘅係原來新嘅師傅就係天海前主廚嘅日本靜岡主廚長澤佳明。
上次見佢好有性格，今次因為我遲到關係，佢開始都麻麻地心情，但之後佢都係十分好玩開朗，當佢整首本名菜來自琵琶湖嘅活幼香魚，心情大好，之後整天茶嘅時候，更加擺post俾我哋影相。
今次嘅餐比天海更靚更好睇，前菜胡麻豆腐，螢光魷魚，粟米球，碎吞拿魚腩，個樣已經好得體，味道也好，特別喜歡個粟米球。
天婦羅方面，我最愛活蝦生海膽同琵琶湖活幼香魚 ，當然鹿兒島鰻魚係之前天海無見過嘅高度，仲有連鬚葉日本粟米仔同瀬戶內海紋甲魷魚都不能錯過。
今日嘅menu俾大家參考下。
前菜（胡麻豆腐，螢光魷魚，粟米球，碎吞拿魚腩）
神奈村太刀魚大葉
瀬戶內海紋甲魷魚
愛媛甘鯛
連鬚葉日本粟米仔
長野舞茸菇
千葉蜆清湯
活蝦生海膽
琵琶湖活幼香魚
北海道白蘆筍
鹿兒島鰻魚
天茶（天婦羅飯）
靜岡縣蜜瓜
有幾個朋友見到IG都好surprise 見番主廚長澤佳明，個個都話即刻想去，不過要記得提前致電餐廳預訂先有得食天孟婆婦羅omakase set。
Post
