Video
Read full review
2016-01-28
654 views
今日已經星期四，唔知大家諗到Weekend去邊到未呢?早排睇雜誌見到長沙灣有間以柚子做主題既café而家間間餐廳都爭住做芝士、綠茶同紫薯呢到用柚子又幾新鮮wor不過長沙灣對小公主黎講真係太遠所以要成3個月後先真係的起心肝黎呢到柚屋既地點其實都幾偏僻下(可能我真係唔熟呢一區)地鐵站行過黎大約10分鐘到不過門口既裝修好有日本風，好特別入面裝修以木為主，真係好似日本d部屋坐低就睇下menu先啦佢呢到主要有2個breakfast既餐一個有肉，一個全素因為我想食炒磨菇，所以叫左全素柚子朝食no.2 $68個餐包一杯牛奶玉米片味道就無咩特別，就係玉米片囉不過佢用無糖果隻，比較健康除左玉米片，個餐仲有多士、炒磨菇、炒蛋、茄汁豆同沙律多士係最好食既，個麵包好香而且厚切食落好鬆軟炒蛋都唔錯，夠滑，但蛋香就一般茄汁豆應該都係罐頭所以無特別但係炒磨菇同沙律就真係唔合格磨菇好似係咁易炒左兩下就上碟味道勁淡而且一d都唔香同唔夠軟沙律唔夠新鮮，沙律汁應該係用柚子醋不過落得好少，所以唔太食到餐飲我點左杯柚子蜜柚子蜜係用日本既柚子蜜黎沖味道係比較香，無平果d咁死甜因為男友已經食左野，所以正係點左杯凍咖啡比較奇怪既係凍
今日已經星期四，唔知大家諗到Weekend去邊到未呢?早排睇雜誌見到長沙灣有間以柚子做主題既café
而家間間餐廳都爭住做芝士、綠茶同紫薯
呢到用柚子又幾新鮮wor
不過長沙灣對小公主黎講真係太遠
所以要成3個月後先真係的起心肝黎呢到
柚屋既地點其實都幾偏僻下(可能我真係唔熟呢一區)
地鐵站行過黎大約10分鐘到
不過門口既裝修好有日本風，好特別
入面裝修以木為主，真係好似日本d部屋
坐低就睇下menu先啦佢呢到主要有2個breakfast既餐
一個有肉，一個全素
因為我想食炒磨菇，所以叫左全素
柚子朝食no.2 $68個餐包一杯牛奶玉米片
味道就無咩特別，就係玉米片囉
不過佢用無糖果隻，比較健康
除左玉米片，個餐仲有多士、炒磨菇、炒蛋、茄汁豆同沙律多士係最好食既，個麵包好香
而且厚切食落好鬆軟
炒蛋都唔錯，夠滑，但蛋香就一般
茄汁豆應該都係罐頭所以無特別
但係炒磨菇同沙律就真係唔合格
磨菇好似係咁易炒左兩下就上碟
味道勁淡而且一d都唔香同唔夠軟
沙律唔夠新鮮，沙律汁應該係用柚子醋
不過落得好少，所以唔太食到
餐飲我點左杯柚子蜜柚子蜜係用日本既柚子蜜黎沖
味道係比較香，無平果d咁死甜
因為男友已經食左野，所以正係點左杯凍咖啡比較奇怪既係凍咖啡都幾細杯
因為一般有落冰都會用大既杯
男友話味道比較淡，同如果你係每日都要飲啡既人
呢杯個份量係唔夠你頂癮 (好似道友 哈哈)
柚子雪芳蛋糕 $28其實食完上面D野，個心真係失望
不過呢個雪芳蛋糕挽回番D分數
雪芳蛋糕好輕好軟熟
就算唔點個柚子醬都有淡淡柚香
呢個Cake值得take away一個番屋企食
可能之前睇其他人既食評都好正面
所以對佢期望都真係幾高
熱食方面真係有改善空間
相對甜品真係有水準
有機會可能會黎再試其他幾款甜品
另一樣值得讚既係服務態度好好，feel到係用心
小公主都明係香港要經營一間小店真係唔易
希望佢地可以繼續進步加油!
Post
