Video
Read full review
2023-08-20
222 views
星期五同朋友去完happy hour突然好想食嘢，轉角遇到呢間霸嗎拉麵，之前以為剩係得尖沙咀有，點知中環都有，而且都幾近蘭桂坊。見佢新出檸檬灸燒雞叉燒拉麵($93): 食落去檸檬味都好出，湯底酸酸地幾清新，本身頭幾啖都好唔慣，始終冇咗平時豬骨湯底嗰種鹹鹹地嘅味道，但係食到最後反而會因為呢種清新而想keep住再食，一啲都唔覺得油膩。配料有櫻花蝦，兩粒西蘭花，木耳。要一讚嘅係燒雞叉燒嘅炭燒味好出色，一食落去已經食到，而且唔會好乾，如果鍾意檸檬或者未試過嘅我覺得可以一試。朋友就叫咗平時佢哋主打嘅灸燒豚肉味玉拉麵($95): 加幾蚊可以要埋隻蛋，豬骨湯底保持到鮮味，而且都唔會過厚身，自己好驚去到有啲拉麵譜嘅湯底，雖然係真材實料，但係有時會太過潔身覺得好似食緊沾麵咁樣，但係呢度就冇，湯底都可以掛到麵條。另外仲叫咗唐揚炸雞($38)，一碟有五粒即叫即炸，炸得夠脆但係一咬落去肉質會即刻標出嚟，好食！另外仲叫咗久違嘅抹茶可樂($25)，記得好耐之前唔知係邊一間舖頭飲過，但係已經唔記得咗佢嘅味道，今次飲返又覺得唔算太特別，比平時嘅可樂冇咁甜，但係抹茶味道就唔算太出。總結：地理位置好好，如果喺附近飲完兩杯
見佢新出檸檬灸燒雞叉燒拉麵($93): 食落去檸檬味都好出，湯底酸酸地幾清新，本身頭幾啖都好唔慣，始終冇咗平時豬骨湯底嗰種鹹鹹地嘅味道，但係食到最後反而會因為呢種清新而想keep住再食，一啲都唔覺得油膩。配料有櫻花蝦，兩粒西蘭花，木耳。要一讚嘅係燒雞叉燒嘅炭燒味好出色，一食落去已經食到，而且唔會好乾，如果鍾意檸檬或者未試過嘅我覺得可以一試。
朋友就叫咗平時佢哋主打嘅灸燒豚肉味玉拉麵($95): 加幾蚊可以要埋隻蛋，豬骨湯底保持到鮮味，而且都唔會過厚身，自己好驚去到有啲拉麵譜嘅湯底，雖然係真材實料，但係有時會太過潔身覺得好似食緊沾麵咁樣，但係呢度就冇，湯底都可以掛到麵條。
另外仲叫咗唐揚炸雞($38)，一碟有五粒即叫即炸，炸得夠脆但係一咬落去肉質會即刻標出嚟，好食！
另外仲叫咗久違嘅抹茶可樂($25)，記得好耐之前唔知係邊一間舖頭飲過，但係已經唔記得咗佢嘅味道，今次飲返又覺得唔算太特別，比平時嘅可樂冇咁甜，但係抹茶味道就唔算太出。
總結：地理位置好好，如果喺附近飲完兩杯突然之間想食個拉麵嘅朋友都可以即刻去到。而且自己好鍾意呢一啲期間限定嘅口味，一出就會去試，今次都算幾新奇。
Post
