SOW

Open Now

Now Closed

西式風格嘅摺門，外面有大酒桶做裝飾，也望到吧枱，燈光微暗，室內大小餐枱都有，同朋友共聚的好地方。柱侯牛肉迷你饅頭堡放上三個細細個嘅脆炸饅頭堡，真係好Q，中式味道嘅柱侯牛肉，煎香兩邊，柱侯味道唔鹹，饅頭堡放咗一點酸汁，帶出清新味道，同生菜一齊食，爽口之餘又冇油膩感。西班牙乳豬乳豬皮紅卜卜好脆，容易切開，咬落肉質柔軟有肉汁，配搭香濃嘅薯蓉，豐富左口感。西班牙黑毛豬。魷魚鹹蛋黃煲仔飯。鐵鍋上能保持飯嘅温度，炸魷魚鬚，香口彈牙，煎香嘅黑毛豬，肉質鬆軟唔柴，咬落有肉汁汁，鹹蛋黃提升飯味更香。黑芝麻焦糖燉蛋配豆腐雪糕脆脆的焦糖，下面係黑芝麻燉蛋，芝麻味濃稠，燉蛋口感順滑，兩者配合不要太甜。凍凍的豆腐雪糕，加入餅乾碎一齊食，口感更感豐富。SOW MOCKTAIL奶黄色嘅飲料放點花瓣點綴，入口已有香草嘅清新。菠蘿同檸檬味道酸甜，口感舒爽。SIGNATURE COCKTAILS粉綠嘅顏色飲料，放到嘴邊已感到濃濃嘅煙燻味，每一口都有淡淡的玄米茶香，Gin酒味特出，在口腔有味蕾嘅交替。