嫲孫樂 (環翠商場) (Closed)

等咗一排，柴灣環翠商埸終於裝修完畢。裝修後嘅商場內多咗好多食市。有西餐廳、茶餐廳、日式餐廳、酒樓、餃子店、豆品食店、甜品店、仲有"嫲孫樂"。之前試咗茶餐廳，今次就試"嫲孫樂"。可能係新開張嘅關係，再加上係星期日，所以要排隊等十幾分鐘先可以入座。店內座位都算寬敞，光線充足。首先要大力讚賞嘅係佢星期日都有套餐lunch set(包基本飲品及前菜),希望以後都可以日日有lunch set啦👏👏其次就係員工服務態度良好，我出去斟水飲，見到個壺底有幾片lemon，有個女服務員就問我D水加咗🍋有無好飲D？雖然D🍋已經明顯淡晒色，無乜味，但女服態度親切，加分。我地一行三人叫咗一個肉燥鹽酥雞排飯$48、極尚鮮酸辣米線$48、綜合紅燒牛肉麵$68、台式烤墨汁腸$18。肉燥鹽酥雞排飯: 以$48嚟講，質數算優。份量算充足，唔會得又细又薄嘅雞排。但外皮炸得有少少硬，如果外層炸得再酥脆鬆化D就更好。酸辣米線: 米線有咬口，唔會太冧，酸辣度適中，唯獨餸/配料比較少，如果可以多少少餸就perfect。综合紅燒牛肉麵: 面有齊牛筋、牛腩、牛展、大大舊紅蘿蔔、白蘿蔔，好满足。墨汁腸: 甜甜地，仲有蒜片俾你夾住一齊食