嫲孫樂 (環翠商場) (Closed)

柴灣終於有台灣嘢食啦，平時經過都見到呢間店好多人排隊，而且望入去見到啲嘢食賣相都唔錯。所以今日就諗住買個外買返屋企試吓，佢個價錢都有四十幾去到70幾蚊都有。咁我今次就叫咗麻辣涼拌麵，五十幾蚊包埋餐飲晚餐來講都算唔錯。落完單之後等左大約10分鐘就有得拎，速度都算唔錯。咁個麻辣汁都唔錯係幾辣嘅，而佢都有啲肉類撈埋一齊幾夾。但個面嘅份量就稍為有啲少，女仔嚟講食完都唔算好飽。見到佢有個牛肉麵70幾蚊，希望下次可以堂食試吓個牛肉麵。