粵藝館 (時代廣場)

Open Now

Now Closed

今日嚟到銅鑼灣食飯，看到基本上時代廣場的餐廳都無大變化，上次嚟呢度都好鐘意佢哋燒豬，而朋友又鐘意中式菜，所以一早訂定位，如果唔係，中午都幾多客。呢度都好似開了幾年，但裝修仍然保持得約好，座位間亦寬躺，坐等舒服。西班牙栗子豬叉燒$188，一上枱便聞到陣陣栗子香味，表面燒烤得焦香，肥肉比較多少少，咬落有少少溶化感。香煎原味蘿蔔糕$68，蘿蔔糕材料豐富，食到一條條蘿蔔絲，煎得香口。瓦罉啫啫唐生菜$108，熱辣辣在面前再翻炒，鹹魚肉碎香氣四溢，唐生菜吸收了鹹香味同油份，香味吸引。通心脆脆卷$68、水晶菜苗蝦餃$68、灌湯豚肉小籠包$48，三款都有水準。