通達食店

Open Now

Now Closed

行行下街有D肚餓喎，之前聽見媽咪話想食栥飯，經過通達就問佢買個黎食好唔好，所以就入左去買左個栥飯啦。估唔到呢間通達都仲有唔少人幫襯喎，因為之前食過覺得其實麻麻地。栥飯$11都幾貴下，因為其實D原材料真係好平，不過想食都算啦，買既時候要求佢幫我地切開一半，小姐都欣然說好。佢個栥飯真係好熱辣辣，熱到唔可以即刻食，要等一等先。不過天氣咁凍，好快就啱食啦。糯米煙靱，不過佢感覺唔係好黏咁，即係有DD爽既感覺，有D奇怪... 味道係OK的，沒有特別，炸菜真係好鹹不過好惹味。最大問題係油炸鬼，一D都唔脆，好淋，相信如果佢脆D會好食好多好多。填飽肚子又繼續行街了......。