鳳城酒家 (Closed)

大班朋友飯會，食得太多唔同菜式，始終都係中菜最好食。不過諗中菜都好鬼煩，而個人偏向食老字號一點的，雖然旺嘅老字號都會有一個缺點，不過始終味道還是最根本的要求。所以今日就揀咗鳳城！上湯炸粉果，彷彿來鳳城必點的幾道菜之一，上枱時，也感到一點的熱氣，外皮脆得來，又帶點煙韌，內裏的餡料也很豐富，又帶點油香。食前輕輕的放入湯內，可以沒那麼熱氣。炸子雞，必點的菜式之一，皮脆肉嫩多汁，還有其他可以形容的嗎？？煎蓮藕餅，又是鳳城不得不吃的一道菜，啖啖都能吃到蓮藕粒。蝦多士，底層的多士炸得脆脆的，配上上層的一隻蝦，又是一道魔鬼的菜式。焗蓮蓉西米布甸，熱辣辣上枱，又唔會太甜，上碗時陣陣的蓮蓉和奶黃味飄入鼻內，唯一覺得蓮蓉份量有點兒少。