福元湯圓

Open Now

Now Closed

我本身都好中意食煙韌既野，湯圓、芋圓、珍珠之類點可以錯過！一直都聽講呢間店既湯圓係好多人心目中既No.1, 終於有機會試到啦！去到既時候店剛剛開門，店空間唔大但環境整潔衛生。今次買左2個糖水試下1) 桂花酒釀丸子丸子甜甜地，口感好煙韌，而且份量超級多，真係食到最底都仲有！加上桂花酒釀既香氣，微甜微酸，同丸子既組合真係令人忍唔住一啖接一啖，醉啦！2）棗香合桃露加湯圓湯圓係芝麻湯圓，皮唔算薄，入口時好滑，但咬既時候口感又好煙韌！芝麻內餡好香好滑，得3粒太少啦！ 至於合桃露都好香，棗味突岀，整體口感滑但又充滿濃厚既堅果味！食完覺得好滋潤-下次再黎北角會再幫襯！而家傳統糖水店真係越來越少啦，值得支持。