Video
Read full review
2015-05-17
2356 views
人到咁上下年紀，就鍾意懷舊吓，咩都會想當年，懷舊一番。食嘢都喺，總會時不時想起舊時嘅味道 。今晚跟前輩嚟到千禧新世界香港酒店嘅桃里（前身叫桃李），一嚐多道懷舊粵菜，喺一份細味，又喺一份回憶 。餐廳位處酒店二樓，環境比較幽靜，然而，裝修雅致，有份古樸盎然嘅味道；有一邊窗口位對着維港景色，景觀自不然比起坐裡面優勝，亦喺大多數客人嘅首選 。是晚菜式豐富，唔計甜品，一共安排了12道菜，除咗幾道蔬菜外，全部都喺懷舊菜式，當中仲有唔少喺手功菜。故此，未食睇見都興奮！順道一講，茶芥每位收$20，另加一服務費，但處身酒店內嘅中菜廳，好服務亦喺享受之一。 腰果、花生靜待上菜之時，一邊彼此交談，一邊食吓腰果、花生，再飲啖茶，感覺一派悠然。 韭皇陳皮花膠鴨絲羹 $98 / 位 廣東人都喺鍾意飲湯，所以，第一道登場喺一道湯羹。韭皇陳皮花膠鴨絲羹，將陳皮、花膠、鴨絲，以及筍絲，樣樣都切得好幼細，湯底非常清甜，又滲有淡淡陳皮香，口感十足。 桂花蜜黑豚肉叉燒 $218 叉燒真喺無可代替嘅本土地道美食之一，不過，時間變遷，不斷求進步，所以，叉燒用上黑豚肉，又以桂花蜜取代普通麥芽糖，但手藝依然不
餐廳位處酒店二樓，環境比較幽靜，然而，裝修雅致，有份古樸盎然嘅味道；有一邊窗口位對着維港景色，景觀自不然比起坐裡面優勝，亦喺大多數客人嘅首選 。
是晚菜式豐富，唔計甜品，一共安排了12道菜，除咗幾道蔬菜外，全部都喺懷舊菜式，當中仲有唔少喺手功菜。故此，未食睇見都興奮！順道一講，茶芥每位收$20，另加一服務費，但處身酒店內嘅中菜廳，好服務亦喺享受之一。
腰果、花生靜待上菜之時，一邊彼此交談，一邊食吓腰果、花生，再飲啖茶，感覺一派悠然。
韭皇陳皮花膠鴨絲羹 $98 / 位 廣東人都喺鍾意飲湯，所以，第一道登場喺一道湯羹。韭皇陳皮花膠鴨絲羹，將陳皮、花膠、鴨絲，以及筍絲，樣樣都切得好幼細，湯底非常清甜，又滲有淡淡陳皮香，口感十足。
韭皇陳皮花膠鴨絲羹
$98
152 views
0 likes
0 comments
桂花蜜黑豚肉叉燒 $218 叉燒真喺無可代替嘅本土地道美食之一，不過，時間變遷，不斷求進步，所以，叉燒用上黑豚肉，又以桂花蜜取代普通麥芽糖，但手藝依然不變。叉燒入口鬆化，清甜而多朕淡淡嘅桂花香，揀正嚿有燶邊位，就多添幾分炭火焦香 。
桂花蜜黑豚肉叉燒
$218
122 views
0 likes
0 comments
絕對喺懷舊菜嘅邪惡象徵，由於健康前提下，越嚟越少店會做，今晚重遇真有種久別重逢嘅感覺。薄薄嘅肥豬肉，雞肝，薄片叉燒所組成嘅邪惡三雄，雖然眼見好肥，但食落又唔喺咁油膩，而雞肝夠粉香。老式食法喺無底面兩層餅皮，依家咁樣叫喺自我感覺好啲，哈哈！
香燒金錢雞
71 views
0 likes
0 comments
香燒金錢雞
73 views
0 likes
0 comments
香燒金錢雞
94 views
0 likes
0 comments
豉椒小炒向來都喺大有市場，無論上酒樓，抑或到大牌檔，人人都總愛點一碟，貪佢夠惹味，好「送」飯。但炒豬肚尖就較少食到，豬肚尖就喺豬肚嘅尖尖，一嚿豬肚得好細部分喺豬肚尖，咬落好爽，又有少少脆 ，火喉拿捏得好，豉椒味香而惹味，內裡有啲鹹酸菜，令濃香中有啲酸酸爽爽嘅味道。
豉椒炒豬肚尖
$218
118 views
0 likes
0 comments
梅子砵仔鵝 $198 淨喺個砵仔已夠古色古香，鵝肉酥香，而且肉質好腍，又帶點梅子嘅酸香，就算鵝肉有點肥，一啲都無乜油膩感；下面墊底嘅有唔少芋頭，切到細細件，入口好鬆化，芋味濃，依道砵仔鵝真喺正 。
梅子砵仔鵝
$198
134 views
0 likes
0 comments
蜜燒鳳肝伴燒排骨 $148 想返起細細個幫屋企落街斬料嘅回憶，嗰時最愛就喺燒排骨，買慣買熟，師傅就會醒嚿雞潤我食（即喺雞肝，啲人迷信成日話「乾乾」聲唔好聽、唔吉利）。燒排骨固然燒得好香，雞肝亦都好綿香。
蜜燒鳳肝伴燒排骨
$148
69 views
0 likes
0 comments
懷舊蝦多士 $240 一般做蝦多士都以蝦膠製作，但「桃里」嘅蝦多士則用上原隻大鮮蝦，出嚟嘅效果一樣鮮甜彈牙，而多士好酥脆，卻喺炸得唔油；最美妙之處在蝦中加咗一小絲金華火煺，令鮮甜中有點點鹹香，個人就覺得能產生畫龍點睛之效 。
懷舊蝦多士
$240
102 views
0 likes
0 comments
香燒琵琶鴨 $198 / 半隻 米鴨燒得皮脆肉香，外皮實在香脆，鴨肉酥香而富肉汁，唔會燒到「乾爭爭」，而皮肉之間連著一屠薄薄油脂，油香滿溢得嚟唔會有油膩感。
香燒琵琶鴨
148 views
0 likes
0 comments
香燒琵琶鴨
79 views
0 likes
0 comments
跟上面嘅豉椒炒豬肚尖好近似，亦喺以前經常晌大牌檔會點嘅熱門小炒，豉椒、味菜故之然惹味，鵝腸亦都炒得爽彈，不過，論驚喜都喺豬肚尖得我歡心多啲。
豉椒味菜炒鵝腸
$228
141 views
0 likes
0 comments
跟住落嚟嘅兩道蔬菜菜式，雖然唔喺咩懷舊菜，但一樣做得有水準。西蘭花灼得爽口，上面淋上唔少蟹肉，當然最養眼就喺蟹膏，落得一啲無手緊，令到啲西蘭花更富鮮香味 。
蟹皇扒西蘭花
$308
85 views
0 likes
0 comments
浸莧菜可稱得上今晚眾多菜式中嘅一道「清泉」，因為以蒜子、金華火腿絲、杞子、竹笙浸伴莧菜，味道恬淡，但仍帶有少少鹹香，而莧菜則好嫩口，食落無渣。
蒜子腿絲杞子竹笙浸莧菜
$178
69 views
0 likes
0 comments
以位上，並用上雞公碗，一派懷舊感，勾起小時唔少回憶。最貼心喺豉油、豬油均以小瓶分別呈上，客人可按個人喜好落多落少，而且，兩者都煮熱過先奉客，令香氣更逼人。粗麵口感實在，配合埋熱辣辣嘅豬油、豉油、豬油渣，以及薑絲、蔥絲，簡單卻喺美味爆燈 。
豬油渣叉燒撈粗麵
$48
85 views
0 likes
0 comments
桂花紅豆糕、香芒軟枕 $47 / 4件 好明顯，兩者都唔喺懷舊嘅甜點，但都喺店中做得出色嘅甜品。桂花紅豆糕清新而帶有淡淡桂花香味，紅豆又甜又腍，糕感清爽；而香芒軟枕內藏大大粒香甜嘅芒果肉，而芒果吉士香滑，糯米皮又軟熟，真想食多幾件！
桂花紅豆糕、香芒軟枕
64 views
0 likes
0 comments
既然是喺以懷舊為題，甜品都好應該有一道懷舊款式，熱食嘅椰香千層糕，可算代表之一。千層糕口感鬆軟綿綿，既有蛋黃香，又有椰汁香，可謂相得益彰，讓人有個超滿足嘅結束。
懷舊椰香千層糕
114 views
0 likes
0 comments
席間大家談到粵菜嘅點滴，尤其講到懷舊菜就更感觸良多，因為，覺得依家越嚟越少人學粵菜，懷舊菜、手功菜更喺賣少見少，覺得賣唔起錢，覺得唔夠潮、過氣嘢。如果有更多有心人肯承傳依份手勢，學生多如桃李，將來就有更多人認識到粵菜精髓。
Post
