囍碟 (Closed)

呢日，黎左灣仔一條重建左好耐都冇行過既一條街──利東街。成條街既感覺同街外既氣氛完全唔同，但又唔會覺得有唔夾既感覺，呢種或者係叫做香港特式。企係街入面細看每一間鋪頭，每間鋪都可以從門口既裝修，得知佢係賣咩做咩意生，唯獨呢一間野，令我十分詫異。如果唔係友人眼光好睇得通透，我仲以為呢一間野淨係酒吧。係店員既指示下，先知地下酒吧有一條通往二樓餐飲地方既樓梯，樓梯位燈光昏暗，每級樓梯兩旁都有火形裝既燈仔照明。上到去感覺令人一解煩憂，燈光暗淡再加上店員既良好服務態度，已經比左我一個深刻既印象。由於事前已經食左少少野，所以黎到都係叫左d小食。蟹黃包很美的蟹黃包喔!(台灣人tone)飽面搽左一層蟹黃，上面滿佈一絲絲既蟹肉，蟹肉足足有半塊麵包咁厚，份量已經好足夠。不過有少少失望，因為個包係硬身既，蟹肉本身可以輕微咬兩咬就可以食落肚，但因為個包既關係搞到花左好多力氣先食到，而且仲有少少蟹腥味。松露芝士批黎到果陣已經聞到少少松露味。批皮好鬆脆，批底可能有少少濕既關係有少少煙韌，口感都幾神奇。入口已經食到陣陣松露香，可能有芝士關係好似有d滯，但其實呢個批冇肉淨齋，批內有少少菇反而令整個口感同香味提升，如果想