Video
Read full review
2015-11-06
341 views
有個企廚房新黎既阿姐喎，操流利大陸語，唔識廣東話架喎，有無證返工架？已經黎幫襯左幾次，仲有口水雞、沙薑雞、麻辣米線、雪菜火鴨絲未試。燒豬骨黃瓜湯，加 $5 蚊送您一碗湯。如果見唔到湯料真係唔知咩湯，湯熱到燙嘴最好味！最香！湯汁彷如濃縮豬肉湯，厚而黏。用燒豬骨餚湯有燒烤味，濃郁豬肉味中隱約嚐到少少黃瓜清爽味道。質數拍得住以前既權記，好好飲！切雞髀燻蹄飯，上次雞唔掂，專登黎比多次機會您！好過上次少少啦，但食得出係街市燒味質數。恰巧聽到職員討論叫貨，原來佢地啲雞唔係日日清架，仲話依家存貨可以用到星期五添，好驚！唔怪得上次硬係食到隔夜雞味，而今日隻雞髀大致無問題，肉質結實，肉汁欠棒，並無嫩滑感亦無鮮味可言，食到腳位又出現隔夜嗅雞味喇。無下次，食靚雞唔係盈昌。燻蹄超 funny，95 % 係皮，比啲瘦肉我食好喎，好采全部皮都爽口彈牙有咸香，配醋剛好恰到好處，而且酸酸甜甜好開胃。醋係外購袋裝醋，邊有自家調製加蒜加紅椒加麻油咁香甜喎！而且個袋油淋淋唔多衛生，阿姐仲要放上隻醬油碟度，我要用手指捽乾淨隻碟先敢倒醋落去呢，同上次酸梅醬情況一模一樣。木瓜燒豬骨湯，我一向唔鍾意木瓜湯，幸好極濃燒豬骨味道蓋過木
有個企廚房新黎既阿姐喎，操流利大陸語，唔識廣東話架喎，有無證返工架？已經黎幫襯左幾次，仲有口水雞、沙薑雞、麻辣米線、雪菜火鴨絲未試。
燒豬骨黃瓜湯，加 $5 蚊送您一碗湯。如果見唔到湯料真係唔知咩湯，湯熱到燙嘴最好味！最香！湯汁彷如濃縮豬肉湯，厚而黏。用燒豬骨餚湯有燒烤味，濃郁豬肉味中隱約嚐到少少黃瓜清爽味道。質數拍得住以前既權記，好好飲！
切雞髀燻蹄飯，上次雞唔掂，專登黎比多次機會您！好過上次少少啦，但食得出係街市燒味質數。恰巧聽到職員討論叫貨，原來佢地啲雞唔係日日清架，仲話依家存貨可以用到星期五添，好驚！唔怪得上次硬係食到隔夜雞味，而今日隻雞髀大致無問題，肉質結實，肉汁欠棒，並無嫩滑感亦無鮮味可言，食到腳位又出現隔夜嗅雞味喇。無下次，食靚雞唔係盈昌。
燻蹄超 funny，95 % 係皮，比啲瘦肉我食好喎，好采全部皮都爽口彈牙有咸香，配醋剛好恰到好處，而且酸酸甜甜好開胃。醋係外購袋裝醋，邊有自家調製加蒜加紅椒加麻油咁香甜喎！而且個袋油淋淋唔多衛生，阿姐仲要放上隻醬油碟度，我要用手指捽乾淨隻碟先敢倒醋落去呢，同上次酸梅醬情況一模一樣。
木瓜燒豬骨湯，我一向唔鍾意木瓜湯，幸好極濃燒豬骨味道蓋過木瓜甜味，豬肉味非常突出，熱辣辣好味道，$5 蚊抵飲！
油雞髀乳豬飯，一咬落舊雞已食得出唔新鮮，隔夜的味道佔據整個身體。肉質死實無鮮味，豉油味清香，滿意，$48 蚊髀飯好經濟。
乳豬份量幾多喎，其中有兩三舊係上等靚瘦肉，好靚好正，滑溜甜美兼豬肉味香濃，其他只係頭頭尾尾肥騰騰。豬皮太濃，只有幾舊假微脆，應該係翻燒既原因，一咬唔自然地碎開，仲有幾塊又腍又韌，質數一般。
今日蔥油勁腥，搞咩黎呀？有少少想反胃，好采只係撈左少少，試左先啫。
Post
